جريدة الأهرام الجديد الكندية 
مقالات مشابهة
بقلم هشام الدسوقى
بعد قيام الثورة بشهر قالوا فيه اعانات بطالة للعاملين فى مجال السياحة فى مدينة الأقصر والناس راحت واشترت ملفات وصورت اوراق وقدمتها والموضوع طلع فنكوش ، والبلد كانت عايزة تنصب على الشعب فى قرشين زى المسابقات الوهمية اللى بتتعمل ومفيش اى حد قبض تعويضات ولا حتى كيلو بطاطس ودلوقتى برضه الدولة الفاشلة الحرامية بتعمل نفس الحركة وانا شايف برضه انها نصباية من الدولة على الشعب الغلبان والله اعلم ويارب اكون غلط ويكون فيه تعويضات فعلا للعاملين فى مجال السياحة بس برضه كان اولى ان الدولة تحسن صورتها اللى باظت برة مصر بعد مقتل الطالب الايطالى المفروض تحاول تعمل تسويق كويس تحاول تحسن من الامن اللى لسه بيتعامل بعقلية نظام مبارك بل اشد فجرا من سابقة السياحة ماينفعش فيها مسكنات السياحة عايزة أمن حقيقى مش امن بتاع اعلام السيسى عايزة ناس بتفهم وبتعرف تسوق صح مش ناس بتعرف تسرق صح بتسرق بالقانون يعنى السياحة عايزة افكار جديدة شابة وما اكثرها فى مجال السياحة مش عايزة افكار فؤاد سلطان ايام ماكان مفيش غير مصر بس دولة سياحية فى الشرق الاوسط المنافسة كبيرة وحامية وصعبة على العقليات اللى بتحكم البلد وصعبة جدا على العقليات اللى ماسكة زمام الامور فى وزارة السياحة وهيئة تنشيط السياحة انا شغال فى السياحة من 17 سنة واقدر اقولك ان احنا بنتراجع ولسة هنتراجع بسبب الأسباب اللى ذكرتها فى اول كلامى انا مش عايز تعويضات ولا عايز مسكنات ده اذا كانت حقيقة اصلا انا عايز ناس بتفهم وعارفة يعنى ايه سياحه عايز داخلية همها حماية المواطن والسائح على حد سواء علشان السياحة ترجع عايز عيش وحرية وكرامة انسانيه وعدل انا مش بطالب باكتر من حقوقى وتعويضكم ده فاكس يا وزارة الفاكس
