جريدة الأهرام الجديد الكندية 
مقالات مشابهة
في مسرحية طالبان ، الفصل الثاني ، حنتفرج على مساخر تاريخية كبرى حتذهل المشاهدين. يعني مثلا المفروض ان اميركا انسحبت عشان طالبان تزعج الصين وروسيا ، طب ، طالبان بتصرح حاليا ان الصين هي الحليف الرئيسي وهي للي حتبني اقتصادها ، طبعا اللي فاهمين ان الصين اشتراكية وماركسية لينينية ، و طالبان خلافة اسلامية مش حيقدروا يكملوا الفرجة على باقي المسرحية وانصحهم يرجعوا التذكرة وياخذوا فلوسهم ويمشوا . مش حيقدروا يستحملوا مسخرة تحالف “الشيوعييين و الكفار والبوذيين ….”، مع ” المجاهدين المرابطين امراء المؤمنيين …”، وكمان ممكن ينتج ايه .
\امبارح افتكرت كتاب زمان قريته عن “الثورة الثقافية ” الصينية ، كان الشباب المتحمس (الهونفيين ) يدخلوا يكسروا كل الارث الحضاري قدامهم ، يلاقوا لوحة تاريخية جميلة …. هذه صورة برجوازية اكسر ..يلاقوا ايقونة ..هذه تحفة اقطاعية ..اكسر،،، وافتكرت تكسير طالبان للتماثيل ، وقلت والله التطرفين اليميني واليساري لهم نصيب يتقابلوا . باختصار عايز اقول اللي حيحصل في افغانستان لاعلاقة له لا بمعايير الحرب الباردة ، ولا بمعايير مابعد الحرب الباردة لما اميركا حاولت تستبدل فزاعة الا صولية الاسلامية بفزاعة الشيوعية ……احنا قدام صراع جديد ..الصراعات فيه بلا ا يدلوجيا …والنقلات فيه شطرنجية ..وكثيرا ماستكون عصية على التنبؤ
يا خالد : حاول تركز وتكتب كلام محدد له معنى ..يعنى أنت عاوز تقول ايه بالضبط ؟ سيبك من الهنجمه وتخطف جمله من هنا وجمله من هناك بدون معنى …وأنصحك بالعلاج من مرض المؤامره الذى يعانى منه كل الذين أمنوا ..انتهى