جريدة الأهرام الجديد الكندية 
مقالات مشابهة
كثيراً ما يحدث مواقف فى حفلات الزفاف ويضطر صاحبها السكوت حتى لا يتسبب فى تعكير صفو الليلة ففى موقف مماثل ، كشفت الفنانة إيمي سالم، عن شجار وقع بينها وبين المخرج محمد سامي، خلال زفاف الفنانة نيللي كريم بالساحل الشمالي.
وكتب إيمي من خلال حسابها على «الفيس بوك»، “في حاجة سيئة حصلت وكنت في حيرة أكتبها ولا لا لكن قررت أكتبها، ورغم إنها حاجة سيئة لكنها حصلت للأسف في يوم سعيد جدا.. ويوم فرح أختي وحبيبتي نيللي كريم، طبعا قبل أي شيء مبروك للمرة المليون لنيللي وكان يوم يجنن وده سبب سكوتي امبارح لأني كنت عايزه الفرح ميتعكرش صفوه وجماله.. كنت زمان بسمع كلمة إن الفنان الكبير الحقيقي لازم يكون إنسان كبير كمان، بس يمكن امبارح موقف أكد لي المقولة دي”.
وتابعت “طبعا كلنا شفنا مسلسل «نسل الأغراب» في رمضان المسلسل اللي انتقده حوالي الـ 300 مليون عربي اللي انتقده حتى صناع العمل نفسهم وأبطاله كمان وشفنا فيه إهدار المال يشكل مرعب في مقابل عمل فني ركيك وضعيف للغاية”.
وأضافت “الحسنة الوحيدة فيه أسماء أبطاله الكبار جدا ” احمد السقا ” “وكرارة” حتى الأبطال الثانين ادوارهم انهارت عشان المدام تتلمع، لدرجة إن الشركة المتحدة قررت وقف التعامل مع الأستاذ المخرج من كتر رداءة المسلسل و دي أول مرة تحصل في تاريخ الدراما لمخرج”.
“طيب ايه بقى القصة؟ القصة إني في رمضان وقت عرض المسلسل كنت زي كل الفنانين غالبا مش عاجبني المسلسل فكتبت تعليق على ” بوست ” كتبه الصديق ” أيمن سليم ” السينارست وكان تعليق منتقد للمسلسل، والنقد زي ما اتعلمنا جزء من الفن ولازم الفنان يتقبل النقد لأنه ده الدافع الوحيد لتحسين أداؤه وتحسين إنتاجه لكن إنك تلاقي فنان بياخد النقد على إنه خناقة شخصية وعركة في شارع ومقاطعة وخلاف أنا مش هحكي عن علاقتي السابقة بإخوات الأستاذ محمد سامي البنات وبزوج أخته اللي اعرفه قبل ما حتى اجي اعيش في مصر .. امبارح وأنا بتحرك في الفرح لقيت الأستاذ المخرج المحترم أوي في وشي هو ومراته النجمة الأحادية التي لا تتكرر
فأنا لأني بنت ناس.. ولأني علموني إن انتقاد شيء قدمته في الفن مش خناقة وعركة فلقيتني بنية صافية بقوله “هتسلم علي ولا مش عايز؟” فما كان من الأستاذ محمد سامي المحترم أوي والراجل خالص حرفيا بيدفعني بإيده بشكل عنيف وبيوسع الطريق لمراته وكمان بيتلفظ بألفاظ سوقية عني”.
“أنا سكت بس لأن تربيتي أولا متسمحش إني أنزل لمستوى الشوارعية والسوقيه ده
وثانيا عشان الليلة الجميلة لنيللي تفضل ليلة جميلة لكن حبيت أحكي الموقف بشكل علني هنا عشان نعرف كلنا إزاي الأستاذ المخرج شخص لا يعرف معنى الفن ولا الزمالة ولا سمع عن الأخلاق ولا يعرف ما معنى احترام المرأة .. حبيت أقول الكلمتين دول عشان نعرف مين هو محمد سامي .. شكرا يا أستاذ محمد على أخلاقك اللي فعلا شبهك”
