جريدة الأهرام الجديد الكندية 
مقالات مشابهة
نازك شوقى
علق الدكتور أشرف زكي، نقيب المهن التمثيلية، على أزمة الفنانة حلا شيحة وزوجها معز مسعود، مع الفنان تامر حسني، مشيرًا إلى أنه تفاجأ بما حدث وانزعج بسببه «أنا فوجئت وانزعجت جدا من اللي حصل ومش مصدقه، لكن ده درس لينا كبير عشان الناس اللي بتعلن أن الفن حرام وبعدين تختفي شوية وبعدين ترجع، لا عودة للناس دي تاني ولا مكان للناس دي في النقابة، وده قرار نهائي والسيدة صاحبة الحادثة دي لا مكان لها في النقابة مرة أخرى، واحنا غلطنا لما قبلنا عودتها وهي كلمتني بدل المرة عشرة وأنا بعتذر أني قبلت عودتها أنا ومجلس النقابة».
وأضاف، خلال مداخلة مع الإعلامي عمرو أديب ببرنامج “الحكاية” الذي يذاع على قناة “MBC مصر”: “لا عودة للناس دي تاني ولا مكان لهم في النقابة، والسيدة صاحبة هذه الحادثة لا مكان لها في النقابة، وهي كلمتني بدل المرة 10، واحنا غلطنا لما قبلنا عودتها، وأنا أعتذر إنى قبلت عودتها، ولا مكان لمن يفعل مثل هذه الأفعال بالنقابة، هي مش موجودة في النقابة، وكانت مشطوبة أساسا من النقابة، وكنا نسير في إجراءات عودتها”.
وقال: “الناس اللي عاوزين يرجعونا مليون سنة لورا يروحوا يشوفوا حالهم، والفن والموهبة والمهنة العظيمة اللي بنشتغلها متهونش عليها ولا تستحق مننا أننا نعمل فيها كدة، وأنا مرة سألت الشيخ الشعراوي هل الفن حرام؟ فرد عليا فيما معناه إن الفن رسالة”.
مستطردا: «احنا بنأدي رسالة وهذه الأعمال تغير مفاهيم الشباب وأنت عارف الشباب دماغهم كانت رايحة فين».
وأشاد باعتراف القيادة السياسية بدور الفن ودعوة الرئيس عبدالفتاح السيسي لعدد من رموز الفن لحضور احتفالية «حياة كريمة»، مضيفًا «تيجي واحدة مذبذبة في الفكر تهز هذا الكيان العظيم ومصر عظيمة بمثقفينها وفنها ومصر أكبر من الناس اللي لازم يروحوا يتعالجوا».
ومن جانبه علق الإعلامي عمرو أديب على أزمة الفنانة حلا شيحة والفنان تامر حسني، بعد عرض الفيديو كليب الذي جمعهما، والتي كانت جزءا من فيلم “مش أنا”، وقال: “في طقس بيحصل مش مريحني، اللي هي موجة حاجات تظهر مرة واحدة، حاسس إن الموضوع مش صدفة عشان يدخل المجتمع في دوائر مظلمة”.
موضحاً:يعني دلوقتي أزمة حلا، وقبلها أزمة البوركيني، وبعدها شوية جدل على الحجاب، حسيت إننا رجعنا لأيام زمان، وطبعا في كذا شيخ دخلوا في الموضوع وتحدثوا عن فضيلة المرأة”.
وأضاف: “الحوار ده احنا شوفناه قبل كدة، هل دي كلها صدف، معرفش، الفار لعب في عبي، لأنها موجة طالعة ومجموعة صدف مع بعض، أنا شايف إن اللي عاوز يمثل يمثل، واللي عاوز يقلع الحجاب يقلع واللي حابب يلبسه براحته، أنا شوفت فيلم تامر، ومشوفتش فيه أي أشياء خارجة، وأغلب أفلام تامر مفيهاش حاجة خارجة، مفيش حاجة شوفتها تزعج حلا”.
