جريدة الأهرام الجديد الكندية 
مقالات مشابهة
كتب د/عادل ابوصيرة
علشان تعرف قد ايه انت كنت الفترة اللي فاتت من عمرك عايش بالمعني الحرفي في أمان الله وتعرف إن في لحظة واحدة ممكن ربنا يرفع عنك كل غطاء الأمن والأمان فيتسلط عليك أشياء لو قيلت لك قبل ذلك لضحكت تعرف حضرتك انك ياما أكلت الفطر الأسود ده في معاميعك من جوة يمكن مئات المرات وعادي جدا .
امتي وفين ؟؟؟
عمركش مسكت بصلة وقطعت جذرها باسنانك وبعدين طحنتها بايدك وقعدت تاكل وانت بتاكل لقيت بين طبقاتها حاجة كدة زي الكحل وبتاكلها عادي وتقوم تكمل شغلك في الغيط أكلت الفطر الأسود.
وكمان في الرمان البايظ من جوة والفلفل الأخضر والطماطم والعيش اللي الوالدة بتكسره للطير وتلاقي العفن الاسود عامل دخانه فوق راسها وعادي وسقف الحمام والاحواض بتاعة المدارس والسباخ البلدي بتاع الزريبة لما يجف واوض تربية الحمام والطيور بصفة عامة مرتع من مراتع الفطر الأسود بصراحة-
احنا كنا صحاب احنا والفطر الاسود لغاية ما ربنا شاف الغفلة اللي اكلت قلوبنا والدنيا اللي اتلهينا فيها وبقت مسيطرة علي كل ذرة من كياناتنا لدرجة أن الصلاة بنأديها روتين ده للي لسة بيصلي.
ايوة حضرتك ناس كتير جدا ما بيصلوش.
النهاردة ربنا سلط علينا حاجة عايشة معانا طوال عمرنا هادية وبسيطة ومسالمة بل ونافعة في تحلل كثير من الأشياء الضارة فجأة اتحولت وحش كاسر مالوش علاج ابدا .
له بس حقن توقف انتشاره تمن الحقنة الواحدة ١٨٠٠ج العيان بيحتاج ١٠ حقن كل يوم ولمدة لا يعلم مداها إلا الله .
عرفتم ربنا كان مانع عنكم ايه ؟؟؟ إن فعلا ممكن ييجي وقت تقول فيه غصب عنك
(( لا عاصم اليوم من أمر الله إلا من رحم )) لسة فيه ملايين الكائنات عايشة معاك مسالمة!
ياعالم امتي حيتحولوا لوحوش مالهمش علاج.
الأمر محتاج توبة بإخلاص لربنا محتاجين نرجع بجد لحصن الله المنيع،محتاجين نصلي ونتصدق كتيييرمحتاجين نفهم ضعفنا الحقيقي واحتياجنا المطلق لله وحده.
محتاجين نكثر من ذكر الله لأنه السبب الاول لطمأنينة القلب وطمأنينة القلب هي أكبر رافع مناعة علي ظهر الأرض. -محتاجين نكلم ربنا بذل وخضوع في اي مكان محدش شايفك فيه وابكي وقوله ماليش غيرك سند توب علي واهديني يارب.
لأن وبالله فعلا فعلا مالناش غيره. وفعلاليس لها من دون الله كاشفة.
فاللهم يافارج الهم ياكاشف الغم يامجيب دعوة المضطرين رحمن الدنيا والآخرة ورحيمهما انت ولينا،فأرحمنا فارحمنا رحمة تغنينا بها عن رحمة من سواكاقرءهابقلبك قبل عينك لعلها تكون حسنة تدركك ساعة نزول البلاء!!!
{{للوقاية من الفطر الاسود}}
تخلصوا من أي قمامة في سلات القمامة في البيت أول بأول▪︎
تخلصوا تماما من أي فاكهة أو خضروات أو أي مأكولات معطوبة ورمي الثمار المعطوبة كاملة دون الاحتفاظ بالجزء السليم في الثمرة الواحدة.
نظفوا الثلاجات بشكل دوري وجعليها مفتوحة بعض الوقت أثناء عملية التنظيف للقضاء على رطوبتها.
افتحوا الشبابيك في وقت وجود الشمس للقضاء على الرطوبة.
افتحوا شفاطات الحمامات وتخلصوا من البقع السوداء باسقف هذة الحمامات والناتجة عن تكثيف قطرات الماء. تخلصوا من المناديل الورقية والورق بعد استعماله مباشرة.
تخلصوا من رطوبة الحوائط والمفروشات بشكل خاص.
الحد من تناول الأغذية المصنعة والمعلبة والتى تحتوي على مواد حافظة قدر الإمكان
تعاطي الكورتيزون والمضادات الحيوية تحت إشراف طبى
الفطر الأسود لا ينتقل من إنسان لإنسان
الفطر الأسود يدخل للجسم عن طريق الطعام الملوث بالفطر خاصة الخبز غير الطازج والفاكهة والخضروات المعطنة.
اخبروا غيركم من فضلكم علشان غيركم يعرف ازاي يحمي نفسه واولادة!!
ارجوكم الكل. ياخد حذرة.
وصلوا لغيركم وانصحوهم(من باب الدين النصيحه)
