جريدة الأهرام الجديد الكندية 
مقالات مشابهة
بقلم الدكتور سامح أحمد
سفينة ايڤر جيڤن عرضها ٦٠ متر طولها ٤٠٠ متر يعني بطول ٣ ملاعب كرة قدم شايله ١٨ الف حاوية وزنها ٢٢٠ مليون كج وبيحركها محركين بمروحتين كبار من ورا بيدوروا مع بعض لكن لو واحد اتطفى بفعل فاعل هاتلف في اتجاه المحرك اللي مش شغال الغاطس بتاعها ارتفاعه ١٥،٧ متر تمام؟؟
سفينة بالحجم ده معروف ان الغاطس بتاعها عميق بالعمق ده قرب ١٦ متر تحتها او عمارة ٥ ادوار لازم تكون ماشية في خط متصف قناة السويس ولا تحيد عنه لان ده اعمق جته في القناة والعمق بيقل جدا على يمين وشمال القناة بالتالي لازم السفن العملاقة دي وعلى فكرة موجود في العالم ١٨٠ سفينة بس يقدروا يشيلوا حمولة اكتر من ١٥ الف حاوية يعني لازم السفن اللي من النوع ده تتعامل بشكل حذر جدا وهي داخلة القناة – اولا بتطفي المحركين الاتنين- بتيجي سفن سحب من اليمين والشمال تقطرها بحيث تفضل في خط مستقيم في منتصف القناة بالضبط وبسرعة بطيئة جدا احد ما تعدي لكن مش ده اللي حصل – القبطان رفض سحب السفينة وقرر يسوقها ليه؟- ازاي سفينة بالثقل ده تحركها ريح الا لو كانت عاصفة ؟؟؟- لو كان فيه عاصفة كان لازم الملاحة في القناة تتوقف ليه ما اتوقفتش؟ لان ماكانش فيه عواصف مجرد هوا وده مش ممكن يحرك سفينة بالتقل ده ويحرفها عن مسارها للدرجة دي- لو افترضنا جدلا ان الرياح كانت بالقوة اللي تحرف سفينة زي دي وتخليها تلف بالعرض كان اولى بالسفن الاصغر منها تنحرف هي كمان وده ماحصلش الرياح مش موجودة في نقطة واحدة لكن اكيد مساحتها تشمل مسافة طويلة فيها سفن في القناة من الناحيتين السفينة الوحيدة اللي بالصدفة انحرفت هي اتقل واحدة واقلهم في فرصة الانحراف بالريح
أنا مش انصار نظرية المؤامره لكن مصر ليها اعداء كتير محليين وخارجيين فلو حد حب يوقع الاقتصاد المصري مش هايلاقي حيلة اجمل من كده سفينة طولها اعرض من القناة يسوقها كابتن ويرفض انه يطفي المحركات يطفي محرك واحد تلف تدخل في الرمل ويبقى خروجها وتعويمها بغاطس قرب ال ١٦ متر راشق في رمل الشاطئ عملية تقنيا صعبة جدا لو كانت فضلت كده شهر كان الجنيه المصري اتدهور جامد لان القناة مصدر رئيسي للدولار وكانت الطرق البديلة لنقل البترول زي خط ابوظبي – عسقلان (في اسرائيل) اشتغل وبقوة لكن بجهود مهندسين مصريين قدروا يعملوا عملية قوية ويخرجوها بعد اسبوع بس والاقتصاد.
شبه ما حصلوش حاجه اللي عاجبني جدا بالاضافة لنجاح هيئة قناة السويس في تعويم السفينة انهم مسكوها وبيحققوا في الموضوع ولسه متوقفة في مصر لحد ما نعرف مين اللي ورا ده لو كانت مش قضاء وقدر تحية وسلام لكل اللي عملوا العملية دي وعندي ثقة في قدرة المحققين المصريين يعرفوا اي تفاصيل مهما كانت مستخبية
