جريدة الأهرام الجديد الكندية 
مقالات مشابهة
كتبت الزميلة هناء صموئيل المسئولة بالتأمين الصحى بالأقصر كلمات مبكية فى حق عمها الراحل المرحوم رومانى عدلى الذى تنيح منذ عدة أيام ، أحزنت الكلمات وأبكت كل أفراد أسرة المرحوم وكل أصدقائه ومحبيها
وإليكم ما كتبته
عمي وصديقي الغالي وأبويا احنا في كابوس وأنت في السما كل اللي شاغل تفكيرك ليك سنة هو وقفتك قدام ربنا وأنك خلاص ماشي كنت أقولك أنك صغير يا عمو تقولي لا أنا قربت أموت .
حبيبي يا عمو وجعت قلوبنا وقلوب كل الناس مفيش حد مابيحكيش عنك
طيب أنا حاقول ايه وأفتكر أيه ولا أيه اخر حضن وسلام لما شفتك ترتيب ربنا اني انزل واسلم عليك يوم عملية رامي علشان أودعك .
فرحتك لما اروحلك وشوية وعايز تجيبلنا نجوم السما ولا مكالماتنا الطويلة وحكاوينا وأسرارنا
ااه ياعمو مش قادرة أصدق مش حاسمع صوتك ولا أشوفك تاني ولا احتفل بعيد ميلاد كنت تقولي عجزت علي عيد ميلادي دي ،أنت كنت صغير ياعمي بس كبير مقام يا غالي
ربيتني وكبرتني علي أيديك وآخر مكالمة في المستشفي قولتلي غلاوتك في قلبي زي رشا ورانا
ااه يا عمو واحشني عايزة احكي واتكلم معاك كنت بتشجعني وتفتخر بأقل حاجة باعملها من وأنا صغيرة
عمو أنت شخصية نادرة الوجود فعلا مفيش زيك… سلم علي هاني وتيتة وعمو حنا ومريم وعمو داود وعمو ميشيل وحبيبت قلبك عمتي راعوث إلى أن القاكم عائلتي اللي في السما زمانكم محتفلين وفرحانين يا بختكم نفسي اروحلكم بسرعة
