جريدة الأهرام الجديد الكندية 
مقالات مشابهة
نشرت سيدة مصرية تدعى نسرين محمد استغاثة على شبكة التواصل الإجتماعى تستغيث فيها من أن دواء البلاكونيل الخاص بعلاج الذئبة الحمرا غير موجود ، وتم سحبه بعدما نشر بأن المادة الموجودة بداخله لها علاقة بفيروس كورونا .
قالت السيدة المصرية أن البلاكونيل علاجها نظرا لإصابتها بالذئبة الحمراء ،وأنها لا تمتلك مناعة ولا تستطيع النوم
وصلت الاستغاثة إلى الدكتور سامح أحمد الطبيب المصرى الأمريكى الأشهر على شبكة التواصل الإجتماعى نظرا لما يقدمه من معلومات حول فيروس كورونا
فعلق قائلا فى رسالة موجه إلى المصريين والشعوب العربية
مش كل لما نسمع عن اسم دواء جديد ممكن يكون له دور في علاج كورونا نروح نشتريه ونعمل مشكلة جديدة في مرض قديم كان بيتعالج عادي.
أحنا كده نبقى أغبياء.. لازم يكون عندنا وعي.. أي دواء بيكون معمول لعلاج مرضى معينين.. ما تجريش تشتريه وتخلصه بمجرد سماع اسمه على السوشيال ميديا أو لو كنت بتأخد علاج لمرض بلاش تغيره..
لو أخذت دواء غلط ممكن تموت.. يعني تبقى حاولت تجري من كورونا فتموت بمرض تاني أقدم منه.. لأن تاني يوم ممكن يطلع دواء جديد أو معلومة أو نظرية أحدث.. أي حد بقى بيوصف دواء دلوقتى.. الهدف من نشره لآخر المستجدات هو طمئنتكم بأن العلماء في العالم بيشتغلوا 24 ساعة على كورونا.
نهدأ كده ونختار مصادر معلوماتنا صح، وننام كويس، ونطمئن. الإنسان سيتغلب على كورونا قريب جدا بالتأكيد لا محالة زي ال قبله..
