جريدة الأهرام الجديد الكندية 
مقالات مشابهة
بالرغم من إصابته بفيروس كورونا ومعاناته من آلامه إلا أن الدكتور سامح أحمد الطبيب المصرى بمدينة بوسطن الأمريكية رفض الراحة ونشر على صفحته طريقة للأطباء المصريين وهى إعادة توصيل جهاز تنفس صناعي واحد ليخدم ٤ مرضى في العناية المركزة من أجل توفير أجهزة تنفس لأنه متأكد من وجود نقص شديد فى أجهزة التنفس فى مصر
حيث كتب على صفحته قائلا
“لازم أفضل اكتب علشان أفضل صاحي مش عايز أنام”
طريقة إعادة توصيل جهاز تنفس صناعي واحد ليخدم ٤ مرضى في العناية المركزة
أنا عارف أن أكيد فيه نقص في عدد أجهزة التنفس الصناعي في مصر في وجود وباء فيروس كورونا القاتل
لكن فيه طريقة أنا جربتها عندنا في العناية المركزة في بوسطن اقدر اعلمها لزملائي الأطباء في مصر بحيث يستخدموا جهاز واحد ل ٤ مرضى في نفس الوقت
١- أختار المرضى بحيث يكونوا نفس الوزن والطول تقريبا
٢- اختار المرضى بحيث يكون عندهم نفس نوعية المرض فمثلا لو بتعالج ضيق في الشعب فيستحسن يكون كلهم عندهم ضيق في الشعب علشان توزيع الضغوط وكمية الهواء تبقى متناسبة بالتقريب لكل فرع متصل بالجهاز
٣- ضع السرائر الأربعة بحيث يكون الجهاز في النص بينهم علشان طول أنابيب الهواء يكون متساوي
يعني أتنين من السرائر رأسهم بجوار بعض وأمام أتنين من السرائر راسهم جنب بعض برضه
٤- استخدم وصلة بلاستك T أو Y ٢٢ مم لتوصيل أنابيب الهواء على شكل حرف H بحيث يكون مصدر الشهيق في نصف الضلع الأفقي لحرف H ويكون كل طرف من حروف ال H الأربعة واصل لكل مريض
وكرر نفس طريقة التوصيل في ناحية الزفير
حتحتاج ٣ وصلات T ووصلتين ٢٢ مم
احنا جربنا الطريقة دى هنا ولساعات طويلة ونجحت جدا
