جريدة الأهرام الجديد الكندية 
مقالات مشابهة
جيهان ثابت
غناء محمد رمضان ورقصاته وملابسه … هو صفعه علي وجه المجتمع
صرخة في وجه العبث الذي تسلل كالسرطان في جسد بلد منبع ومصدرأقليمي للثقافة والفن ….فهو يعلن وفاة هذا الوطن الذي غني له أم كلثوم وفريد وحليم ورقص له محمد رضا وكتب عنه نجيب محفوظ وادريس والحكيم …
مصر اتخلق فيها جيل في الكام سنة القليلة اللي فاتت كفيل انه يهدها 100 سنة قدام بسبب الافلام بتاعت محمد رمضان و غياب الرقابة و ضعف المدرسة …..إلخ
بسبب فنه الهابط فيه بنات قبل الاولاد في سن اعدادي و ثانوي بياخدوا برشام و حشيش واستروكس و بيعملوا علاقات تامه ومصايب اكبر من كده بتوصل للقتل كمان بسبب افلام محمد رمضان …
شوية عيال تبص في وشهم لا يعرفوا أخلاق و لا دين و لا فن و لا ثقافة و لا اجتماعيات و لا عادات و لا اصول و لا حتى تعليم .. وكله ده بسبب اللى وصلهم من افلام الفنان الألمانى عبده موته الديزل حبيشه النسر بتاع الصعيد..
بالنسبة لى هو ده الارهاب الحقيقي.. و الارهاب اللي لازم يقضي عليه .. و هي دي البنية و المشروع القومي اللي كان لازم ندفعله دم قلبنا ….مصيبة وقنبلة موقوته لازم تتوقف وتتمنع أفلامه من العرض لو عايزين نطلع جيل بيفهم يبنى البلد بدل مايوقع اللى باقى فيها ..
