جريدة الأهرام الجديد الكندية 
مقالات مشابهة
في البداية أحب اقولكم اني متابع جيد جدا لقضية
اخونا رامي كامل ربنا يتمجد معاه منذ بدايتها
واعلن لكم ثقتي الكاملة المطلقة في فريق الدفاع الذي
يتولي الدفاع عنه وهم :
المستشار عاطف نظمي
المستشار امجد مراد
المستشار سعيد فايز
وهم جميعا أساتذتي وأخوتي واثق في محبتهم لرامي وأخلاصهم
له وده من اشد عوامل نجاح المحامي في عمله
وياريت محدش يحاول يسرق مجهودهم كالعادة
والقفز علي شقي الغير ونسبته الي نفسه (( فاكرين ولا أفكركم يا بهوات ))
اما ما يحدث علي صفحات الفيس من تراشق وسباب معاقب عليه قانونا ولا استثني أحدا الجميع أخوتي وأحب الجميع بلا استثناء
أقول لكم جميعا
أنتوا عاوزين تخلصوا علي بعض
ماشي براحتكم
مش ده وقته ولا ده اوانه
بعد مانطمن علي أخونا رامي خلصوا علي بعض
ومش علي الفيس لا عيب
كل واحد يروح وسط البلد عند فتح الله بتاع السلاح ويشتري سلاح ويخلص علي التاني
صدقوني ده هو الحل
لكن نستغل مصيبة أخونا رامي المحبوس حاليا ونقعد طول اليوم نشتم في بعض
كده غلط
كده مش محبة لرامي خالص
كده أحنا مصدقنا حبسة رامي وقلنا اهي فرصة وجت نخلص علي بعض
مش كده ولا أية
متزعلوش من صراحتي
اللي قريب مني هيعرف أني مش بعرف أجامل
محبتكم لرامي كامل أننا نصليله ومفيش صلوات تقام علي الفيس مش كده ولا أيه
محبتكم لرامي أننا نصمت ونطلب عمل الله مش نشتم بعض ولا عاد فيه كبير ولا صغير
ولا استثني احدا
شا يفك هتقولي ماهو اللي أبتدي لا لا لا أنت الصغير كنت تسكت ومتردش ولا ايه
منظرنا بقي وحش قدام العالم كله
عيب
خلوا فريق الدفاع المذكور أعلاه يشتغل وأنتوا كمان شوفوا شغلكم وخلاص نخلص بقي من بلاعة الردح اللي اتفتحت يوميا ومش عاوزه تقفل دي
أنا كلامي خلص ومش هاتكلم تاني في موضوع رامي كامل
عشان فيه ثلاثة محامين من أقوى محامى مصر بيدافعوا عنه
اخوكم
مدحت النجار المحامي
