جريدة الأهرام الجديد الكندية 
مقالات مشابهة
جميل اوي انك تشتغل في عمل تطوعي عمل جماعي
وسط ناس مؤمنة بأفكارك ناس شبهك ناس
قضيتها نفس قضيتك ناس بتدافع
عن اللي بتدافع عنه مجالها مجالك بتشتغل بضمير
وبنية صافية بتحارب معاك وبتناضل بكل قوتها
ناس لا بتشتغل علشان شهرة ولا ماديات
ناس لا محتاجه اسم ولا ناقصة ترقيات ناس بتحب الخير علشان الخير
بجد احنا ربنا جمعنا مع بعض في برنامج واحد
صدفة مش عادية برنامج بيناقش أوضاع المغتربين
اللي احنا الثلاثة المفروض منهم
لو هنتكلم عن خبرة كل حد فينا في هذا المجال
” المصريين في الخارج” هنلاقي فينا
اللي اتغرب 10، 15، 17 سنة في أوربا
وفي الخليج وبالصدفة احنا الثلاثة اشتغلنا على ارض الواقع
في نفس المجال حل مشاكل المصريين في الخارج،
#برنامج_معاك_في_الغربة جمعنا وجمع خبرتنا وخلانا نكمل بعض
سبحان الله طول السنين اللي فاتت انا شخصياً
اشتغلت كتير في خدمة وحل مشاكل المصريين في الخارج وربنا أكرمني
وقدرت اكون سبب في حل عدد كبير من المشكلات الجماعية والفردية واهمها مشكلة المصريين في ليبيا وعدم وجود بعثة دبلوماسية وربنا أكرمنا وتم الموافقة على استخراج جوازات سفر للمصريين المقيمين في دولة ليبيا من مصر
وربنا اكرمني وتم حل عدد من المشكلات الفردية بتقديمها لمؤسسات الدولة منها قضايا ومنها حل بعض المشكلات العمالية وكنت ببقى في قمت السعادة مع حل اي مشكلة حتى لو تم حلها بالطرق الودية أو بالتواصل مع رموز الجالية المصرية بالخارج أو بسفري خارج مصر في بعض الحالات
والحمد لله قدرت اكون قدر المسؤلية ونجحت في ده و بشهادة معظم رموز الجاليات المصرية في الخارج، بس كنت دائما حاسة اني ناقصني حاجة
أنا فعلا اشتغلت على حل المشاكل والقضايا وعرضها على مؤسسات الدولة بس حاسة ان في حاجة ناقصة هى ايه او فين مش عارفة لحد ما الصدفة جمعتني بالناس المحترمة دي المستشار احمد بدوي المحامي المستشار في الشؤون القانونية للمصريين العاملين في الخارج
والأستاذ محمود شكل مؤسس حملة إعفاء جمركي صاحب اكبر صفحة تضم عدد كبير من أبناء الوطن فى الخارج والذي قام بحل الكثير من مشكلاتهم وقضايا هم بمساعدة الكثير شباب أبناء الوطن المحترمين،
ناس اهدافهم هى اهدافي خدمة أبناء الوطن فى الخارج و ناس اتغربت مثلي اشتغلت في نفس المجال وعلى ارض الواقع احتكت مثلي بكتير من هذه الأمور اكتسبنا كتير خبرات على مدار السنين بالمشاركة في أنشطة وندوات ومؤتمرات في شؤون المصريين في الخارج واخرهم مؤتمر شرم الشيخ أكسفورد، ناس عندها افكار وطموحات ومشروعات كبيرة لحل مشاكل المصريين في الخارج ناس بدون مبالغة كافحت وتعبت وحاربت من أجل المطالبة بحقوق المصريين العاملين في الخارج وبالفعل كان لها دور كبير في حل مشاكل عدد كبير منهم ،
فعلا سعدت وتشرفت جدا بالمشاركة والتعاون معهم في هذا العمل الجيد والجاد هذا العمل الذي كان يحلم به كل مصري مغترب منصة ومنبر يتحدث من خلاله ويعرض أفكاره وطموحه ومتطلباته ومشاكله وهمومه وقضاياه وأيضاً نجاحاته ومشروعاته، برنامج ينقل صوت المغترب المصري من حيث اقامته في بلاد المهجر إلى مؤسسات الدولة المصرية المعنية بشئونه ، برنامج يعمل على لم شمل ابناء الوطن في الخارج و ربطهم بالوطن الأم برنامج يتحدث عن اهم قضاياهم يعمل على توعيتهم يناقش أوضاعهم ويطرح مطالبتهم يناشد عنهم السلطات في الخارج والداخل،
هذا البرنامج الذي لاقى اهتمام من معظم الجاليات في الدول العربية ودول أوربا وامريكا واستراليا وكندا ولاقى نجاح كبير و مشاركات ومداخلات تليفونية واستفسارات اعداد كبيرة وغير مسبوقه تعرض همومها ومشاكلها ونجاحتها
#برنامج_معاك_في_الغربة الذي كما لفت أنظار الكثير من محبين النجاح ولاقى تشجيع كبير منهم لاقى أيضاً انتقاد أعداء النجاح أعداء النجاح الذين تفرغوا لمتابعة البرنامج وانتقاد مقدميه لمجرد أننا ليس على أهوائهم ليساعدونا بانتقاداتهم في انتشار أوسع لنا بين محبينا ومحبين الخير، البرنامج الوحيد الذي اثبت وجوده بين الجاليات المصرية في الخارج لدرجة ان إدارة القناة نظراً لكثرة الاتصالات والمداخلات قامت بمضاعفة وقت البرنامج من ساعة إلى ساعتين حتى يتم تلقى اكبر عدد ممكن من المكالمات الواردة للبرنامج
#برنامج_معاك_في_الغربة
تقديم المستشار احمد بدوي و تقديمي اسماء الصياد
شكرا زملائي وشركائي في هذا العمل الذي اعتز واتشرف بكوني جزء منه شكراً متابعينا الكرام شكراً والى الأمام جميعاً ان شاء الله
