جريدة الأهرام الجديد الكندية 
مقالات مشابهة
أشعلت الإعلامية اسما شريف منير مواقع التواصل الاجتماعي،خلال الساعات القليلة الماضية بسبب تصريحاتها المسيئة للشيخ الراحل الشعراوى.
وشهدت هجوماً نارياً من قبل مستخدمي فيسبوك
بدأت القصة حين نشرت “اسما” منشورا عبر حسابها الشخصي بموقع التواصل الاجتماعي فيسبوك، قائلة “
- “صباح الخير عايزة اخد رأيكم في حاجة، بقالي كتير معنديش ثقة في أغلب الشيوخ، كتير منهم مدعين ويا متشددين أوى يا خالطين الدين بالسياسة، نفسي أسمع حد معتدل محترم معلوماته مش مغلوطة، لسه في حد كده؟”.
= فقام أحد متابعيها من الأصدقاء بالرد على منشورها موجهاً إليها نصيحة بمشاهدة فيديوهات دروس الشيخ الشعراوي للاستفادة من علمه، - ردت عليه الإعلامية قائلة “طول عمري كنت بسمعه زمان مع جدى الله يرحمه، ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلاً ما عرفتش استوعبه، حقيقي استغربت، هدور لك على الفيديوهات الى خلتنى أبطل أشوفوا”.
رأى البعض أن هجوم أسما شريف منير ربما يكون هدفه السعي وراء تحقيق مزيد من الشهرة عن طريق إثارة أزمة والتطاول على قامة مثل إمام الدعاة خاصة أنها ينحسر تاريخها فى كونها ابنة الفنان شريف منير.
بعد مرور ساعات قليلة .. عادت الإعلامية أسما إلي رشدها وحذفت المنشور الذي وصفت به الشعراوي بـ«المتطرف»،
- وقالت «مش ممكن محدش ينفع يقول كلمة من غير هجوم هو في ايه؟ .. ايه التنمر والتعصب والبشاعة دي».
ثم اسما شريف منير تعتذر بعد الهجوم عليها عن الإساءة للشيخ الشعراوى
– قالت فيه : «حصل بينى وبين شخص حوار اسأت فيه التعبير عن اللي عايزه أقوله و حساه، اتفهم فهم كلامى علي انى انتقد فضيلة الشيخ متولي الشعراوى انا بتكلم من غير ما بحسب كلامي وانا مقصدش باي حال من الاحوال اني اغلط أو يوصل كلامي بشكل غلط كده ، انا مش بقيم فضيلة الامام، انا عموما عمري ما احب اغلط في حد».
وتابعت: «انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم ادراك انا لسه بتكلم علي طبيعتي زي اول يوم قررت اني اظهر علي السوشيال ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا وده جديد عليا
كل مافي الموضوع اني كنت بدور عن مرجع دينى و دروس دينية عشان افهم بشكل مبسط و عشان افهمه كنت محتاجه حاجه تناسب استيعابي ، و الشيخ محمد متولي الشعراوي أعمق من قدراتى لأني في حاجات فعلًا مفهمتهاش،
وأختتمت : انا مبتدئة بحاول اتعلم و اقرب اكتر من ربنا، و عموما انا بعتذر فعلا عن ذلت لساني وكلمتى .. حقيقي انى اكن للشيخ الشعراوى كل احترام وتقدير رحمه الله وجزاه كل خير وربنا عالم نيتي ايه».
قد تكون ذلة لسان فما هو فى قلبك يعلمه الله ولكن ارجو ان لا يكون هدفا للشهرة علي حساب عالم جليل … عموما الاعتراف بالحق فضيلة ولابد أن تتعلمى الدرس جيدا يا ابنتي فعلماؤنا امثال الشيخ الشعراوي خط أحمر وان كانوا غير معصومين