جريدة الأهرام الجديد الكندية 
مش موافق نعمل ثورة تاني
مش كفاية اللي حصل أولاني
ومش موافق برضه صوت شبابنا يخرس
ده الساكت عن الحق شيطان أخرس .
مش موافق منشاورش علي الإنجازات
كفاية حميت بلدنا من الانفلات
ومش موافق برضه منقولش علي السلبيات
أمال هنتقدم أزاي و تبقي لينا كرامات.
مش موافق نخَّوِن و نتهِم بالفساد
وواثق انك بتعمل لمصلحة البلاد
ومش موافق برضه أفضل أسمع صوت السُكات
اشركونا و فهمونا، إحنا اتفطمنا و بطلنا الرضعات.
بحب بلدي علي كل حال
ونفسي تنصلح الأحوال
عندي حيره و معنديش اختيار
غير إني أصلي للحماية و الازدهار
شريف جندي
٢٠١٩/٩/١٨
