جريدة الأهرام الجديد الكندية 
مقالات مشابهة
بلاغ للطب البيطرى ، للقبض على صاحب محل بيع دواجن يبيع فراخ نافقة، بالشرابية
وحيث أن الفراخ نافقة، ويقوم صاحب المحل بإعادة تعبئتها في أكياس لتباع للأفراد.
«يوجد فراخ للكلاب ميتة بس متنضفة، مفيهاش أي خطورة على حياة الكلب، سعر الفرخة 7 جنيه للوحدة، والكمية من أول 50 فرخة، مغذية للكلاب جدا غير ضارة بالمرة، وفي كبده سعر الكيلو 10 جنيه، لحمه مفرومه (نافقة) سعر الكيلو 12.50 جنيه، التوصيل يضاف 25 جنيه (للكمية)”.. عشرات الإعلانات من قبل مزارع الدواجن لبيع الدجاج النافق لمربي الكلاب وأصحاب مزارع الكلاب.
إعلانات عديدة
إعلانات عديدة عن تلك الكميات بأنها مخصصة لطعام الكلاب، وقد ضبطت مباحث التموين كميات عديدة من الدجاج الفاسد والنافق داخل المطاعم، كما تم تداول رواد موقع الفيس بوك فيديوهات لبيع دجاج نافق بسعر 7 جنيهات للدجاجة الواحدة، و 4 فرخات بسعر 50 جنيه.
البيع للمطاعم
وهو الأمر الذي يستغله بعض معدومي الضمير لشراء تلك الكميات، واستغلالها في مطاعم الفراخ المشوي وغيرها من أغراض “الشيش طاووق و”الشاورما “، وزاد من ذلك ارتفاع أسعار الدواجن للمستهلك، فسعر كيلو الفراخ البيضاء 25 جنيه، وكيلو الفراخ البلدي 44 جنيها.
أنفلونزا الطيور
وزاد من خطورة الأمر ظهور نوع جديد من إنفلونزا الطيور، يعد من الفيروسات سريعة التحور “، وهو ما يعني ان الدجاج النافق ربما يكون مصابا بهذا النوع من الفيرس، وشددت الدكتورة منى محرز نائب وزير الزراعة، على أصحاب مزارع الدواجن بضرورة التخلص الآمن من الطيور النافقة لمنع انتشار العدوى.
التخلص الآمن
وفي هذا الأمر ينصح الدكتور نادي صادق، مدير عام الطب الوقائي بمديرية الطب الوقائي بالقاهرة، المواطنين المربين للطيور بعدم إلقاء الطيور النافقة في الشارع، وضعها داخل كيس بلاستيك مع الكلور وغلق الكيس جيدا قبل رميها أو عمل حفرة في الأرض ودفنها، حيث إن هناك ضرورة للتخلص الآمن من الطيور النافقة منعا لانتشار أنفلونزا الطيور.
أسباب البيع
وحول أسباب إقبال أصحاب مزارع الدواجن ببيع الدواجن النافقة يقول محمد مرعي، صاحب مزرعة فراخ بمحافظة الغربية، “عندنا بالأخص في الشتاء الفراخ بتموت من البرد يعني ممكن يجي يوم وتلاقي أكثر من 500 فرخة نافقة، بدل ما نرميها في المصارف أو علي الترع، في مزارع كلاب تتعاقد معنا انها تشتري الفرخة بمجرد موتها بسبع جنيهات، وهي مش فراخ مريضة بفيروسات زي ما الناس بتقول، ولكنها فقط ماتت من البرد، مش من أنفلونزا الطيور، دا غير أن لو الكلاب اكلتها مش معدية، واي عدوي تنتقل بالتنفس”.
غياب الضمير
“أنا معرفش ضمير اللي بيشتري عاوزها أكل كلاب أو بني آدمين، ومش بشوف رخصة مزرعة الكلاب، والمفروض أن وزارة الصحة تراقب علي المطاعم وفي ورق بمصدر الفراخ بيكون مع صاحب المطعم”.. يكشف صاحب المزرعة.
وتابع “من الصعب ان زبون المطعم يعرف الفراخ الميتة من السليمة، لان الفراخ الميتة بتكون زرقاء، وطبعا الشوي والبهارات بتخلي المستهلك ميعرفش يميز.
أرباح خيالية
ويكشف احمد فيجو، صاحب مزرعة كلاب” للاسف مش كل اللي بيشتروا أصحاب مزارع كلاب، وأغلبهم تغريهم الأرباح الخيالية من سلعة رخيصة، ويجمعها من المجازر ومزارع الطيور، ويلجأ للغش وبيعها للاستهلاك البشري على أنها لحوم مذبوحة، ولابد من محاسبة المزارع اللي تبيع دجاج ميت، لأن مفيش ضمان أنها تتسرق للمستهلك في المطاعم”.
الأمان الحيوي
“بيتعرض علي كميات بأسعار رخيصة ولكن برفض، والمفروض أن في شروط الأمان الحيوي لأي مزرعة طيور أو حيوانات، طبقا لاشتراطات هيئة الخدمات البيطرية، وهو أنه بيتم التخلص من الطيور النافقة بالدفن الصحى أو الحرق “الكامل” مع عدم رمى النافق فى الترع أو المصارف أو على الطرق، وللاسف بعض مزارع الدواجن تخالف الاشتراطات دي”
بكتيريا قاتلة
وتابع “ممنوع نأكل الكلاب أي حاجة ميتة حتى لو تم طهيها، لأن سبب الوفاة غير معروف، وممكن تكون فيها بكتيريا قاتلة، دا غير أن نوعية البروتين بتبقى سيئة جدا و فاسدة و قيمتها الغذائية متدنية”.
فيما أكد محمد سيد، صاحب مزرعة كلاب ان “الفراخ الميته)او(النافقة) مش خطر علي الكلاب بس بشرط واحد لو ادبحت اول ما تموت او وهي تفرفر ولكن لو فضلت وقت اكتر من 10 دقائق الدم بيوقف خالص ولما بيقف مش بسهوله الفرخة تنضف وكمان بيعمل حاجه اسمها تليف في اللحم بتاع الفرخة يعني لو عملت ايه الفرخه عمرها متنضف لو ريشتها و نضفتها و غسلتها غسله قويه و سلقتها عمرها ما هتكون كويسه زي الفرخه الي لسه ميته وادبحت علي طول”.
