جريدة الأهرام الجديد الكندية 
مقالات مشابهة
مُجهد وتعبان !!! .
دى شكوى غير محدده بنسمعها وممكن تحصل بسبب أمراض كتير
أو بسبب نقص عناصر معينة أو بسبب تناول أدوية معينة
لكن كمان ممكن جدا تكون نتيجة ضعف في الدورة الدموية…!!
ما هو جسمنا دى سبحان الله كأنه مصنع كل جهاز فيه يشتغل زى الماكينة ، وشرايين داخله بتجيب دم وأكسجين وغذاء من القلب، وأورده خارجه من الأجهزه بتأخد دم غير مؤكسد و بتراجعه للقلب والقلب يبعته الرئة تتأكسد تانى وهكذا تخيلوا مصنع وماكينات مابتفصلش أبدا لأنه لو فصل أو توقف عن العمل تتبقى هي دى النهاية ..!!
إذن لو حصل ضعف أو قصور في الدورة الدموية فدى كل الاجهزه فجسمك هتجهد
طيب تفتكروا إيه مسببات ضعف الدورة الدموية؟!!
إذا كنت مصابا بتصلب في الشرايين
أو لو الأوعية الدموية فيها جلطات صغيره أوى..
لو فيه وزن زايد أو مصاب بالسمنة
أو العيان بيدخن بشراهة
أو ست حامل..
أو واحد عنده ضعف أو احتشاء في عضلة القلب
وطبعا مننساش مرض السكر المشهور أوى
أو لو بتتعاطى الكحوليات
كل دى حاجات بتضعف الدورة الدموية وبتخلي الأجهزه في جسمنا ماتشتغلش بكفاءة عالية
طيب إيه الأعراض التانية اللي ممكن أحس بيه لو عندي ضعف في الدورة الدموية.؟!!!
بالاضافه للإجهاد العام والتعب السريع
ممكن تحس بتنميل في الأطراف
أو بروده في الأيد والرجل
أو رجليك تورم
أو تكون عندك دوالي في الساق
وضعف في الانتصاب عند الذكور
أو سوء هضم ممكن إمساك أو إسهال..
و ممكن إحساس بثقل في الصدر..دى أمثله لبعض الإعراض..
لو كنت حساس بحاجة من الأعراض دى ياريت تلجئ لاستشارة الطبيب تجنباُ لتطور الأمور
