جريدة الأهرام الجديد الكندية 
مقالات مشابهة
اعترف يا قلبي ان انت في يوم حبيته
وياما كتير يا قلبي حلمت بيه واتمنيته
عشت وياه حكاية وعاهدته من البداية
بحياة تبقى سعيدة
لكن يا قلبي يومها مكنتش يوم تفكر
أن احلامك بعيدة
نفسي ياقلبي يفهم أن بعادك في صالحه
ولا يوم ابدا يفكر انك سبب في جرحه
أنا مش هاين عليا بعد العشرة دية
أكسر قلب ♥ واخونه
لكن يصعب عليا يكون معايا قلبك
وانا مش عارف اصونه
الحل أن احنا نبعد……………ونقرب النهاية
واكيد هيكون التمن عمري وفرحي وهنايا
انا حبيتك………… مانكرتش
وحاولت اكمل….. ماقدرتش
اوعي في يوم تشكي اني ماحبتكيش
وان ايامي معاكي كانت مرح وطيش
انا كنت بحبك فعلا ودليلي كان معروف
والدنيا لعبت بينا….. . والايام والظروف
نفسي حبيبتي تسامحيني وياريتك تعذريني
خايف انزل من نظرك ويجي يوم وتكرهيني
ومهما يطول يا حبيبتي بعدي
مش هاتقل غلاوتك عندي
دانا عشت معاكي احلى ايامي
وحلمت معاكي أجمل احلامي
انا كان نفسي أفضل وياكي
لكن ابدا عمري ماهنساكي
كل أملي تكوني سعيدة
في حياتك ودي حاجة اكيدة
ربنا يكون دايما وياكي
ويحققلك كل هناكي
واعترف ياقلبي
مع حبي
