جريدة الأهرام الجديد الكندية 
مقالات مشابهة
تحليل ڤيتامين د من أغلى أنواع التحاليل فقد يصل سعره في بعض المعامل إلى أكثر من 800 جنية
من أجل هذا لا يعتبر هذا التحليل تحليل معتاد أو رويتينى أنما يطلب من الأشخاص الذين يعانون من نقص فيتامين د
ما هى الأعراض التى من أجلها نطلب تحليل فيتاين د
لو حساس بإجهاد مستمر غير مبرر طبيا بسبب أخر
لو عندك ضعف في العضلات وتعب سريع
لو عندك هشاشة في العظام يعنى فيه كسر كتير بس طبعا ما يكونش واقع من الدور التالي وافتكر أنه نقص في فيتامين د
..لا إنا اقصد لو عيان يتكسر من غير صدمه واضحة أو سبب قوى وطبعا الزملاء أطباء العظام هم المسئولين عن التشخيص ويتأكدوا من الهشاشة بعمل أشعه على العظام أو أحيانا بعمل مقياس كثافة العظام
لو طفل صغير ومصاب بتقوس في الساق أو لين في العظام أو متأخر في المشي أو الأسنان
لو سيدة شعرها ببسقط من غير أسباب معروفة
لو شخص مناعته ضعيفة ويتعرض لنزلات برد متكررة
ما هى الفئات المعرضة لنقص ڤيتامين د؟!
الناس اللي مش بتقف فى الشمس نهائيا مثل سكان المناطق القطبية ..لان طبعا الفيتامين د بيتم تصنيعه في الجلد حينما يتعرض الشخص للإشعة فوق البنفسجية الموجودة بالشمس ..ويتم تصنيعه من الكوليسترول ..عشان كده في الشتاء بالذات نتعرض لنقص ڤيتامين د أكثر من الصيف ..وكمان الناس اللي بشرتهم سمراء “غامقة أوى” عشان اللون الغامق يمنع الاشعه من الوصول لطبقات الجلد وتصنيع ڤيتامين د
الناس اللي عندها سوء تغذية
كمان الناس اللي عندها مشاكل في الجهاز الهضمي وتعانى من سوء الامتصاص الناس اللي عندها مرض كرونز أو القولون التقرحي أو مشكله في البنكرياس أو الكبد أو الناس اللي عاملين عمليات التخسيس مثل تحويل المسار
كمان مرض القصور الكلوي أو الفشل الكلوي معرضين لنقص شديد في فيتامين د ويحتاجون إمداد خارجي بكبسولات أو حقن ڤيتامين د لأن أصل الفيتامين د بيتم تصنيعه في الجلد لكن لا يتحول الى الصورة النشطة إلا في الكبد والكلى
فيحتاجه مرضى الكبد والكلى لأنهم مابيقدروش ينشطوه
