جريدة الأهرام الجديد الكندية 
مقالات مشابهة
لما تقرأ إن الصحابة كانو بيختمو القرأن في ثلاثة ايام.. وانهم كانو بيقومو الليل في معظمة ..وانهم كانو بيعتكفوا ويصومو صيام الضهر… لما تعرف كل دة إوعاك تحزن وتحس انك قليل وانك مقصر وانك ملكش لزمة .. وافتكر دايما إن دول كانو اصحاب الرسول محمد صلي الله علية وسلم وزمانهم ماكانش زمن فتن .. دول كانوا بيحفظو القرأن من الوحي طازة وحادثة بحادثة….كانو بيتباركوا بالرسول ويتداوا ويرزقوا بدعوة منة.. الصحابة حضرو معجزات المعراج ونصر بدر والأحزاب . هما اللي اتبشرو بفتح الروم وفارس ومصر والدنيا …الصحابة كان زمانهم افضل منك واقل فتنة اناعايزك طول الوقت ماتسمعش وتنسي كلام السلفيين اللي خلونا نجلد نفسنا ونخاف من الأخرة والقبر ونحس اننا ولا حاجة … لازم تعرف انك أنت اللي قال علية رسول الله صلي الله علية وسلم القابض علي دينة كالقابض عالجمر انت اللي عايش في الزمن دا زمن الفتن والضعف والهوان الزمن السريع اللي مطلوب منك فية انك تمسك لسانك وتلزم بيتك وماتردش علي اي حد .. انت اللي ورغم الحياة الصعبة والمستحيلة والناس من حواليك بتلحد وبتنتحر.. أنت لسة بتسبح وبتصلي وبتصوم .. انت ماكفرتش ولا ايمانك اتزعزع أنت مسلم لا تقل ابدا عن اي صحابي بنص حديث الرسول محمد صلي الله علية وسلم
