جريدة الأهرام الجديد الكندية 
مقالات مشابهة
أنا اللي حكمت عليك بالموت
أنا اللي لطمتك وجلدتك
وأنا اللي ناديت بعلو الصوت
وقلت مع الناس لبيلاطس
أطلق لينا باراباس
ومفكرتش ابدا في مصيري
وعمت على عوم الناس
وبيلاطس غسل ايده بالميه
وقال أنه بريء من ذنبك
واتصلبت بين الحراميه
ومادفعتش أبدا عن نفسك
أنا ضفرت إكليل الشوك
وبايدي حطيته علي رأسك
أنا كنت واحد من اللي خانوك
وماهمنيش انول خلاصك
أنا كنت واحد من الخاطيين
ودقيت في ايديك المسمار
اللي عشانهم انت حزين
ليكون مصيرهم جوا النار
طعنتك بالحربه في جنبك
وجنبك نزل ميه ودم
وانت فديتني يارب بحبك
وقولت القي عليا الهم
انت يارب قوي وجبار
ورضيت تتجسد علشاني
ومت علي صليب العار
وأخذت انت يارب مكاني
ارحمني انا عبدك الخاطىء
