جريدة الأهرام الجديد الكندية 
مقالات مشابهة
كتب – عبده حامد
مازالت مصر تشغل مكانها عالية فى إنتاج شريحة كبيرة تؤثر على البحث العلمي على مستوى العالم من علماء مصري ذو مكانة عالية ضمن علماء العالم فنحن مع عقلية لن تقل مكانة من العالم الكبير أحمد زويل والمفكر المصري نجيب محفوظ وعميد الأدب العربي طه حسين فنحن نتحدث اليوم مع ياسمين فتحى طالبة الصف الاول الثانوى بمنطقة القنطرة غرب التى تبلغ من العمر الخامسة عشرة من عمرها وتتحدث العربية والإنجليزية وألمانية بطلاقة عالية ولم تكتفى ياسمين بذلك بل قامت بتأليف كتابة تحت عنوان ” الأفيونه ” فعندما التقينا بها فطلبنا منها التحدث عن نفسة فى عدة حوارات متتالية للتعارف ياسمين فتحي من تكون فقالت : “What You seek is seeking you”
“ما تبحث عنه يبحث عنك”
أحياناً المواقف الصعبة والظروف اللي بتكون فريدة من نوعها مبتخلقش ناس محطمة نفسياً وساعات مرضى ممكن تطلعلنا حد فـي سن صغير لكن عقله وكلامه أكبر منه بكتير”!
بتاريخ ١٥/١/٢٠١٢ بدأت فترة جديدة في حياتي اللي هي كانت السبب في تكوين الشخصية اللي موجودة حالياً!!
في الغالب لما حد بيقرر يسافر برا ويبتدي مع ناس جديدة حياة جديدة ودنيا تانية بيفكر ان كل حاجة هتمشي حلوة زي الأفلام كدة بالظبط..طيب ولو محصلش؟
بتكون النتيجة “ياسمين فتحي”!!
سمعتوا عن مصطلح “التنمر”؟
ايوه هو ده اللي ٩٠٪ من المغتربين برا مصر بيعانوا منه
ويشاء القدر يا مؤمن اني أكون واحدة من الـ٩٠٪ دول وفي سن صغير جداً جداً!!
طفلة في سن ٨ سنين أو ٩ بيتقالها “انتي ايه اللي جايبك هنا” و “ارجعي بلدك احنا بنكرهك” و “مش عايزينك هناا معانا انتي مرفوضة” ناهيك عن المعاملة كإنك منبوذ لمجرد بس انك متفوق في دراستك!!
بس ١٪ من الـ٩٠٪ دول هما اللي بيخرجوا من التجربة الصعبة دي وهما ناس جديدة متصالحة نفسياً مع نفسها ومع الكل..
والحمدلله اني بقيت من الـ١٪ دول!
ياسمين فتحي محمد..
١٥ سنة و٤ شهور و ٣ ايام..
ده سني في الورق وبالنسبة للأرقام..
بس التجارب الكتير فـ٦سنين غربة ممكن يخلوك تقول عني ٣٠ سنة و٤شهور و٣ ايام!! هذا هو الجزء الاول فى الحوار تابعونا فى عدة حوارات متتالية
يارب اشوفك احلى عروسه في الدنيا يا دكتورة ياسمين