جريدة الأهرام الجديد الكندية 
مقالات مشابهة
طالب مدحت عويضة مدير تحرير الأهرام الكندى بإطلاق أسم الشهيد مصطفى عبيد على الشارع الموجود فيه الكنيسة ،كما طالب الكنيسة بإطلاق أسم الشهيد على أحد قاعات الكنيسة قائلا
مصطفي عبيد ، حكاية ما تحصلش غير في مصر حدوته مصرية حكاية زي حكايات وبطولات القناة في أيام الحرب ، حكاية للأسف الأجيال الصغيرة ما شفتش منها كتير لما كان محمد يفدي جرجس بروحة ومينا يصمم انه يشيل جثة احمد زميلة علشان يرجع بيها بعد تنفيذ عملية فيصبح مينا فريسة في أيد العدو ويترك جثته بجوار جثة زميلة…. مصطفي شاف الموت بيهدد ناس مصريين بشجاعة راح له واجهة وفدي ناس يمكن هو ما يعرفش أساميهم….. لولا مصطفي كان خبر انفجار قنبلة في كنيسة بمصر متصدر كل عنوانين الميديا لولا مصطفي كان العيد قلب نكد علينا … مصطفي استشهد علشان ناس تانية تعيش مصطفي ترك ابنه وزوجة وأم وعائلة وأقل شئ نقولهم البقية في حياتكم ….. لي طلب من الدولة وهو إطلاق اسم مصطفي علي الشارع اللي فيه الكنيسة فورا وليه طلب عند كنيستنا ان تطلق اسم مصطفي عبيد علي احد القاعات ليها جوه الكنيسة تبقي فيه مكتبة أو حجرة مكتوب عليها اسم الشهيد البطل مصطفي عبيد دي هتبقي أول مرة اسم غير مسيحي موجود داخل جدران كنيسة لكنه هيكون رسالة حب وسلام ووطنية نعلمها لأولادنا أفضل كتير جدا من صور قبلات رجال الدين هتبقي رسالة حية ودعوة لن تموت بأن مصر شعب واحد مصير واحد هم واحد وحلم واحد
