جريدة الأهرام الجديد الكندية 
مقالات مشابهة
انا معرفهوش،
لكن برضه دينه من ديني
مستغربتوش
و كإن عشرة بينه و بيني
من يوم الكارثة !
دولة للقتل هاوية و ممارسة
بتداري ع الجانى
و مش بعيد تكونله حارسة
طب هنصرخ بإيه تانى ؟!
ده حكم خسيس و اناني
وصوتنا من الذل اتنبح
مش مسيحي اللي بيعاني ؟!
خلاص عادي لو اتدبح
و افرض يعنى اخدله رصاصتين
هيدمعوا شوية المسيحيين
بالكتير ينزلوا احتجاجات
و يرضوا بقدرهم بعدين
كالعادة زي إللى فات !
مش اسمه ديفيد عماد ؟!
الحق المتهم و الإجراءات
و ساعده ، ده قرار رسمي
طلاما القتيل من الأقباط
من امتى يا مسيحية بتهمي
حكومة بلدك دول احباط
اسمه على اسمى ..
ديفيد يعني داود
بيسبح ف مكان البركات
و عماد يعني سند مسنود
اقوى بربه من الأموات ! ❤
” ديفيد منيب “
