جريدة الأهرام الجديد الكندية 
مقالات مشابهة
ماجدة سيدهم
بالنسبة لموضوع الكاهن السلفي المزيف اللي عمل شغل عالي أوي مع ستات كتير على الفيس بوك بحجة انه أب اعتراف محترف .. .
طيب شوية كدا مع بعضينا يا حبايب
أولا ..النسوان دي جزء من مجتمع واقع ومنحط أوي
يعني لما ست تدخل الفيس وتعلمي فيها تاسونى وتقبل كل واحد عامل بتاع
سبح ولا مطانيات وسحنة أمه بتقول إنه سلفي قح
وتعترف كمان على الأنبوكس
اعتراف إيه دا يامه
تبقى دي نسوان عاوزه تتلم وعاوزه الحرق وتستاهل اللي يجرا لها ..
لما قولت قبل كدا في مقال أننا لا نمارس سر الاعتراف لكن إحنا مجرد بنحكي ونفضفض عن مشاكلنا الأسرية وخلافاتنا الزوجية…يعني عاوزين حد يسمعنا بس.. ماكنتش غلطانة
ثانيا ..مين اللي قال إن كل اللي اتعاملوا معه ستات ..هو يعني حد شايف حد ..
دا مجتمع مكبوت وبيفضفض عن أزمته وحرمانه وعقده في السر يعني ممكن جدا
يكون فيه مسلمات داخلين بأسماء وهمية وأهو يتسلوا شوية عليه ..
ويمكن فيه رجالة كمان داخلين على أنهم مسيحيات لمجرد الفرجة على كلام الكاهن السلفي معاهم ..مجتمع زي الفل و مناضل أوي وقد المسؤولية أوي علشان يبني بكرا طبعا ….
وأنا ابصم بالعشرة إن الحوار بينهم أغلبه أبيح وقذر كمان ..
ازاي النسوان دي سمحوا لنفسهم يتحطوا في موقف رخيص ويستمروا في الرخص
الا إذا كانوا اكتشفوا إنه مزيف لكن عجبتهم اللعبة وعجبهم الكلام المبتذل بحجة إنه اعتراف
بدليل ما شفناش واحدة محترمة طلعت ونطقت بحرف واحد بعد ما انكشفت الفضيحة على الميديا
جالهم خرس فجائي ..مجتمع وقيع وجعان مش للجنس لا لكن للابتذال والعفانة ..
السؤال يا ترى يا حضرات النسوان الرخيصة أنتو من أي فئة.. من بتوع حقوقي
والمساواة وصوت المرأة ثورة ولا من بتوع الأقلية والاضطهاد وإرادة ربنا ولا بتوع الفقر
والجهل والظروف هي السبب ولا من بتوع الوداعة وأبونا قال والعفريت قال ..
أظن كفاية دفاع عن ستات تافهة ومراهقة لمجرد إنها عاوزه تسمع لها كلمتين يرضوا غرورها ..
لو عاوزه تروح السكة التانية مع ألف سلامة وتأخذ معاها عشرومية غيرها..هي البلد ناقصة خيابة
أما جناب السلفي الكاهن الأهبل ..الفاشل حتى في التقليد والتزوير .. إيه النجاح اللي حققته يا محترم في الحياة غير إنك تشبع هوسك الجنسي بأنك تتلصص على أسرار فشل غرف النوم ..على فكرة ملايين غيرك في العالم صنعوا اضافة وحضارة مشرفة في الحياة ..أنت بقى إيه ..!
للأسف مجتمع مكبوت ومفضوح جنسيا ومأزوم نفسيا وقليل القيمة وقليل الرباية ..مجتمع فاشل بكل المقاييس .كل هدفه يتفرجوا على بعض ملط..
النظافة تبدأ من نظافة المخ والقلب ..لا تقولي كنيسة ولا جامع . الثقافة والفنون هي اللي حاتغسل المجتمع دى غسل ..
كفاية قرف ..
فين المقال حضرتك بتشتمى بس يعنى اى صايع على اى قهوة أو تحت أى كوبري يكتب مقال زى ده وأفضل كمان .حتى لو الموضوع مجرد نقل لخبر ايه كمية الشتيمه دى. مين اللى قالك ان الصحافة شتيمه بس وبعدين ايه الفرق بينك وبينهم كده
واضح جدا من تعليقك وكتابتك انك مهذبه ومن بيئه محترمه ههههه
مين قال لحضرتك أن كلهم بيتكلموا معاه فى الجنس ،دا واحد بيد عبس يمكن يلاقى حاجة تشبع شهواته و ممكن ميلاقيهاش ، و ممكن يكون من اللى بيفتشوا عن قبطيات عندهم مشاكل عشان يستغلوهم فى الأسلمة خصوصا. لما يعرفوا اسرارهم