مايكل مكرم يكتب : (الضحك علي الوشوش)

أوعي يابني في يوم يغــــرك
كتر الضحك علي الوشـــوش
ياما ناس كتير بتبان ملايــكة
وبيبقي جواهــم وحوووووش
لو حد عايزك بيعمل حبيبـــك
وحاجته تخلص.. ماتلزمـوش
فيه ناس تشوفهم تقول غلابـة
تعرفهم تلاقيهم مايتعاشـروش
وقت المصالح دايما تشــوفهم
وفي وقت الشدة مابيبانـــوش
دول ناس يبيعوا مايشتــروش
وعلي سرك ابدا مايتأمنـــوش
ناس لابسة قنـــاع مزيــــــف
حوشهم يارب….يارب حوش
واوعاك يابني في يوم تصدق
اللــي عامــل نفســه طــيـــب
اللــي يمثـــل انــه مثـــالـــــي
وعلي خلق الله نازل يعيــــب
واللي انت يابني ماتعرفـــوش
ان كتر الضحك ع الوشــوش
ممكـن يكــون خافــي وجــــع
صاحبه بيضحك علشان جدع
بيداري جــرحــه بابتســامـــة
لولا ابتسامته كان قلبه اتخلــع
ومن كتر جرحـــه وكتر همـه
مش لاقي حتي حضن يضمــه
الضحك يابني ياما فيه انوااااع
فيه ضحكة صفرا وراها خداع
صاحبها دايما يضحك في وشك
تديله ظهرك علي طول يغشــك
وفيه ضحكة بيضا طالعة من القلب
صاحبها طيب ودايما محـــــــــــب
بيضحك في وشك..ودايما حبيبـــك
بيـــــرد غيبتـــك ..ويداري عيبـــك
ومن كتر الهم فيه ناس بتضـحــــك
بيخبوا احزانهم في ضحكايـــــــــة
واللي مهما تغلط ……يسامحـــــك
هي دي ……… اصل الحكايـــــة
ولازم تعرف …….في النهايــــــة
أوعـــي يابنــي فــي يوم يغــــــرك
كـــتر الضحـــك علـــي الوشـــوش
فيــــه نــاس كتــير بتبان ملايكــــة
وبيبقـــي جواهــــــم وحووووووش