جريدة الأهرام الجديد الكندية 
مقالات مشابهة
ندعم الأنبا مكاريوس
أسد المنيا منور عرينه
مش هيسيبنا أبدا نهائي
رغم أختلاف دينا و دينه
حبل المحبة ما بننا باقي
أسد و محبوب من الجميع
حبه ساكن في القلوب
بيحبه أحمد و عمي ربيع
كمان عمي حنا و يعقوب
محبتنا ليه محبة ربانية
حب طاهر مش هيتلوث
فاتح تملي ببان المطرانية
لأبويا الشيخ و عمي المقدس
عمره أبدا ما ساب فقير
ولا حتي أستغني عن محتاج
راهب و جالنا من الدير
أيديه مليانة محبة و علاج
بيحب المسلمين حب طاهر
إحنا كمان يا ناس أخواته
اللي في قلبه هو اللي ظاهر
ربنا يبارك عمره و حياته
عايش دور السيد المسيح
عليه و علي نبينا أفضل سلام
راجل محبة فعلا صحيح
لا يعرف كدب ولا تلوين كلام
راجل طريقه دايما مستقيم
عمره أبدا ما يعرف يلوع
محبوب و ذكي و حكيم
في بحور المحبة دايما متطوع
عمرنا ما نستغني عنك يا سيدنا
ولا حد أبدا هيملى مكانك
عارف لو كان الأمر بأيدنا
تهون حياتنا و روحنا عشانك
كلمات : محمد فتحي
شير … شير … شير
ندعم الأنبا مكاريوس
