جريدة الأهرام الجديد الكندية مقالات مشابهة
من جهتنا حركة شباب كريستيان للاقباط الأرثوذكس كتبت كثيرا عن موضوع ظاهرة حرق الكنائس و هقول كلمتين و اللي عاوز يهاجم يهاجم و اللي عاوز يزعل براحتك .
أتأمل الفجر في حدوتة حريق كنيسة السيدة العذراء درياس عين شمس فجر اليوم و الشهر الماضي كنيسة شبرا الخيمة و كم الخسائر المادية من خشب و مباني و و و و إلخ. و غيرها كتير قبل كدا بسبب انفجار محول أو ماس كهربائي علي حد تصريحات السادة الآباء الأساقفة الموقرين ! او حتي ان كان السبب محتمل من ايد خفية .. ! طيب ايه دا يارب انت مش قادر تحمي بيتك ! و ليه تسمح بكدا ! في نفس لحظة التأمل و حديثي و عتابي مع الله حضرت إجابة في زهني بتقول دى فلوس ولادى اللي مأخدوهاش .. دى فلوس احباء يسوع اللي مهتمين بالمباني و تاركين نفوس اولادى جائعين. مرضي . بائسين. أيتام . أرامل . دى فلوسهم . تاني هاعيد و أقول اسمعوا عظة البابا شنودة الأسد المرقسي و هو يوبخ لفيف من الآباء الأساقفة الموقرين أثناء العظة و ينظر إليهم و يقول لهم يعني اية تقول لحد طلب مساعدة منك تقول مافيش فلوس ! طول ما بتقول مافيش هيبقي مافيش فعلا . يعني اية يجيلك حد طالب مساعدة و طالعين في نغمة أصل دا مش تابع للمنطقة بتاعتنا ! هو ربنا عندة مناطق ! يقولك أصل ممكن يكون كذاب و مش محتاج و انت مالك اصلا كل من سألك اعطية .. و قال اخيرا قداسة البابا شنودة لهم هذة العبارة ” طول عمرك عايش تخدم بيت ربنا بناء و أنشطة و و و إلخ فمتي ستخدم رب البيت “!
الحرائق التي تحدث في الكنائس و يسمح بها الله هى فلوس الغلابة هى التباهي بالمباني و الطوب و الرخام الفاخر و التكييفات أكثر من الاهتمام بالنفوس و المرضي و الجائعين و البائسين. دا اسمة سرقة حقوق الرب .. ربنا لا يترك حقه ابدا .
منتظرين ربنا يبعت علامات و رسائل و عناوين عريضة واضحة اكتر من كدا اية تاني ! مره و اتنين و عشرة !!!
اسف لو الكلام بيوجع لكن دايما الحقيقة مره و بتوجع . #يارب_نفوق_يا_آباء .
مؤسس و مسئول حركة شباب كريستيان للأقباط الأرثوذكس.
مهندس / نادر صبحي سليمان
