جريدة الأهرام الجديد الكندية 
مقالات مشابهة
بقلم / ديفيد منيب
العين بتبكي و تنوح
و غايب عنها الوضوح
كل يوم بتشوف جروح
بتخاف منها الروح ..
يارب الحيرة بتتعبني
الشك معاند و بيغلبني
الضلمة فعلا بتعذبني
و اي مبدأ بقي يعجبني
كأن احساس واحد غيري
انا دمعي مغرق سريري
ازاي هحسبها بتدبيري
و صاحب الندم ضميري ؟!
محدش راضي يكلمني
سلاسل الوحدة بتألمني
ياريت يارب لو تخدمني
و اصاحبك و تقرب مني
الشر عمره ما يقيد
واحد عليك مستند
ف ليالي النعيم هيعيد
ب لمسة السيد .. ! 
❤
