ماجدة سيدهم تكتب : شوية شرف بس..
1 سبتمبر، 2018 مقالات واراء
الشباب اللي بيفتخر بترويع وتخريب وانتهاك بيوت بعض الأهالي بأي مكان بالمحروسة ..إيه اللي هايضيفه لك التكسير واقتحام حرمة البيوت والصراخ وتشربد ناس في حالها ..!
سؤال ..حد منهم ضايقك..
..حد منهم اعتدي على بيتك ..على أولادك .. على ممتلكاتك .. على المصلية بتاعتك .. حد منهم عامل شغب و مشاكل في البلد ومسبب لكم قلق ..؟!
طيب ..عندي حلين .. .
ماتجرب كدا واعمل بروفة .. كدا وكدا يعني ..لأول مرة بينك وبين نفسك وكلم ربنا بالبلدي..زي مابتكلم واحد صاحبك بالظبط .. من غير ماتقوله بقا كلمة اللهم.. ولا حول ..وإليك اتوب..و حسبي الله ..وتسجد وتركع …
لا المرة دي اطلع برا بيتك.. أي مكان من غير سقف وارفع عينك للسحاب فوق ..بس الأول صدق إن ربنا دا بجد مش مجرد كلمة بنبرطمها كل فرض ..
جرب تقوله يا إلهي…تخيل انه موجود بجد وإنه فعلا بيطل عليك احكي له انجازك ..قوله يا إلهي النهادرة طلعت على بيوت شوية أقباط وسخين ولاد ميتين كلب ( أيوه ماتستغربش ..قوله كدا ..) شوية أنجاس بتوع الصليب الوسخ ( لأ ما تبلمش ..كمل كمل ) مرمطت دين أمهم .. بعد صلاة الفرض المفروض عليا ..طلعت وكلي غل ونار على بيوتهم بالعصيان ودورت فيهم الضرب بالجزمة وبالشلاليط ..دمرت بيوتهم المعدومة خليتها ماتنفعش..سرقت وكسرت وتفيت على وشوشهم العفنة وعلى البوب بتاعهم وسمعتهم اوسخ الألفاظ الجنسية ليهم ولمسيحهم الوسخ.. دوست على صليبهم تحت جزمتي (لا لا لا ماتفتحش بؤك كدا .. مافيهاش كسوف خالص ..كمل )
خسارة فلتت البنات من تحت ايدي ولاد دين الصليب الكلب .. ياما نفسي افرتك عرضهم الأنجاس واحدة واحدة وادام أبهاتهم وامهاتهم واخوتهم .. وأغتصب نسوانهم ورجالتهم في الشوارع وادامك يا…..( ..أيه ..مش قادر تنطق كلمة يا إلهي .صعبة مش كدا ..جديدة عليك ..الكلام تقيل مش قادر تبلعه …لااا ..اجمد كدا ..هو دا مش واجبك اللي اتعلمته ..حاتقدر..دانت البرنجي ..طيب تخيل ..مجرد تخيل مش أكتر انه بيمد لك ايده ..مالك مصدوم ..؟ حاسس إنك بلطجي ولا ربنا هو اللي طلع بلطجي ..مش مصدق انك بتعبد اله مجرم ولا اكتشفت انك ماتعرفوش أصلا ..)
طيب عندي اقتراح تاني أسهل ..جرب كدا وفكر في سرك وإنت وحدك كدا ..مجرد فكرة ماعليهاش أي مسؤوليه ولا حد هايشوفك ..لو إنك لاسمح الله يعني مكان الناس دي.. رد فعلك إيه وهاتقول إيه لو حد دخل عليك ونزل هدم وطحن فيك وعلى بيتك و كنيستك وبينفذ نيته السودة عليك في الرايحة واالجاية وإنت مش لاقي منصف ليك ..أقولك أنا .. ثقة الناس دي في مسيحهم بصراحة مستفزة جدا ..بس دا مش يخليك برضه تفكر. هم ليه كدا …وإنت ليه كدا .
عموما جرب تكون لأول مرو واحد نضيف وعندك شوية شرف ومروة. وصدق ..مرجلة يعني .. شوية ضغننين بس .. جرب مش هاتخسر حاجة ..لو فشلت ماتخفش البلطجة مستنياك ..
جريدة الأهرام الجديد الكندية 
