ماجدة سيدهم تكتب : وأول من يدافع عن القهر هم الستات

مقالات مشابهة

صوم حر..

‏3 أسابيع مضت

علام تتنازعون

2 نوفمبر، 2024

الهدم يبدأ من التعليم ..الجريمة الوقحة

28 أكتوبر، 2024

والمصيبة إن أكتر وأشدالناس حرصا على التخلف والقهر والقمع ومحاربة التحضر هم النساء المتكفنات ..مش قناعة منهم ولا حاجة .. لاء.. دا انتقام لسنين كتير راحت من عمرهم مضحوك عليهم.. يعني إنت جاي دلوقت تهز ثوابتي اللي اقنعتني بيها بجهلك وعاوزني أسكت لك ..طيب عمري اللي راح وعمر بناتي داحقه فين وأخده من مين..؟.. ولما إنت كداب وطلعت تلعب بينا سابوك علينا ليه تنفخ سمومك في عقولنا في كل زاوية وكتاب وكل برنامج لما بقينا مسخرة ..

ايوه احنا قرفانين من نفسنا ومن منظرنا..عرة .. بس مش أنا اللي هادفع الثمن المرة دي ..كفاية اللي راح .

حاجة م الإتنين يا إما أدافع باستماته عن حالي وهاقف ضد ضد أي حد يقول إن كفني مش فرض ..وهاحاربك بكل قوتي ولو فيها دم ..وهافضل ورا كل ست وبنت انها تبقى زي وماحدش أحسن من حد ..لازم الكل يذوق من نفس القبر اللي عشت فيه ..

يا إما ياويلك ..هاقوم عليك وعلى اللي يتشددلك يانصاب وهاهد المعبد باللي فيه…عليا وعلى أعدائي ..وياروح مابعدك روح . ودي فيها دم أكتر

خربانة خربانة ..وماعنديش حاجة اخسرها أكتر من حياتي اللي ضاعت..على الأقل أعمل مرة اللي مقتنع بيه عقلي ولو حتى لآخر مرة ف حياتي..

ضيعتونا الله يلعنكوا ..