مايكل مكرم يكتب : “حبيبتيني في الحياه”

نفسي أخدك من كل الناس
يا كل الناس بالنسبه لي
ملكتي قلبي ودوبت خلاص
ومفيش غيرك شاغل بالي
عرفت معنى الحب معاكي
بنسي الكون وانا وياكي
بعدك عني يعني هلاكي
وغيرتيلي فكري وحالي
“حبيبتيني في الحياه”
بعد ماكنت بقول ال ااااه
قبلك قلبي ضل وتاه
ولقيتك انتي القمر العالي
بحبك قبل عمري وبعد عمري
وبقيتي انتي كل عمري
وخلاص سلمت ليكي أمري
وحبيت معاكي سهر الليالي
أوصف فيكي أيه ولا أيه
مش قادر أوصف اللي احنا فيه
حبك “امل”عايش عليه
وبقيتي اغلي من كل غالي
لما تغيبي ثانية عني
بحس روحي رايحة مني
بقيت فيكي كتير بسرح وبغني
أنا مش عارف ايه اللي جرالي
نفسي اعيش طول عمري جنبك
وأكون على طول بالقرب منك
وأي جرح اشيله عنك
وهاحقق وياكي امالي
نفسي أخدك من كل الناس
يا كل الناس بالنسبه لي
ملكتي قلبي ودوبت خلاص
ومفيش غيرك شاغل بالي
“حبيبتيني في الحياه”
بعد ما كنت بقول ال أه
قبلك قلبي ضل وتاه
ولقيتك انتي القمر العالي
مع حبي