ماجدة سيدهم تكتب : الكلسون وسياسة رجاء

مقالات مشابهة

جهاد الكريسماس

‏21 ساعة مضت

صوم حر..

‏3 أسابيع مضت

علام تتنازعون

2 نوفمبر، 2024

صباح الخير عليكوا ياحبايب ..جايبلكوا شوية كلاسين للغاليين والمصحف مافي زيها ..تلم البطن كدهو وبأستك وماسكة على الافخاد ..ماتعملش أية تسلخات.. والمصحف زي الفل ..
رمت أكياسها بعشوائية على المكتب :شوفوا أهو عندك البنفسجي والأحمر والسريسي والبصلي .. كل الألوان .. ودا دانتيلا علشان تروقوا كدا وتنبسطوا . .

قطن صافي .دا كل الموظفين والمصحف واخدين منى بالدستة ..الله يصلح حالكم عمركم مابتكسفوني ..احنا زمايل برضه .. طب شوفي كدا دا يا أبلة عفاف دهو يجي على مقاسك ودا لبنتك يبقى عليها حلو ويستر كدا ..

حاجة زوقها عالي ..عاوزة كام يابشمهندسة…شوفي كدا يادكتور دا انتي حبيبتي وبناخدي مني دايما

:خدي نفسك شوية ياولية ..احنا لسه بنقول ياصبح

:صباح الفل عليكوا ياحبايب ..براحتكوا خالص

* الست” رجاء ” موظفة من زمان وكمان بتاجر في الملابس الحريمي ..كلاسين ..سوتيانات ..قمصان نوم على عبايات واسدالات ..طرح ..شورتات استرتش.. بيجامات ..كله بيتي .. قطن على بوليستر ..والمقاسات تبدأ من l.x..

. .الست رجاء ممتلئة.. غالبا لم تعرف اختراع اسمه حمالةالصدر ..ولا صابون الوجه .طرحتها خفيفة منزلقة دائما عن شعرها غير المممشط بالمرة ..نعرف خطوتها من صوت حفة الزنوبة (الشبشب ) في الممرات ..

* تناولت الموظفات شتى ألوان الكلاسين والمقاسات الفخيمة .(.عاوزة من دا ..ومن دا ..هاتي لي ٥..٦..دستة ..دستين.. فين الأحمر ..لا الأصفر جامد ..الاسود بيعمل شغل ..حلوين في الشتا يدفوا ..تحسي إنك مستورة … يالهوي دا كبير أوي دا يلبسني أنا والحج (موجة ضحك..عز الطلب ) ..لأ دا صغير عليا حاخده لسلفتي .. . .بكام يا رجاء .. قسطيهم .. طيب لموا الليلة احسن المدير يخش علينا يلاقينا كدهو ..يالهوي كل واحدة بكلسونها ..(موجة ضحك )

رجاء :ماتخافوش دا أنا لسه نازلة من عنده واخد مني دستة لمراته .. والنبي أرخص من برا ..والمصحف باكسب في الحته جنيه واحد ..حانعمل ايه العيشة غالية ومافيش حاجة مقضية .. والحال منيل ..اتخنقنا خلاص وكله بينهش ف كله ..

:انتي بتتكلمي ف السياسة يا رجاء ..

: م الغلب والله . والنبي السياسية دي زي الكلسون الأتنين ماسكين على البطن ..بس كلسوني مش مغشوش ..السياسة كلها صناعي ومغشوشة .. تشعوط الجتة. الله يحرقهم كدابين ..يأكلوا مال النبي ..

:ياولية دا كل بضاعتك مخلط

*مسكت رجاء كلسون وراحت تشد تؤكد على جودة الخامة : أعدم نضري ويمين بالله والمصحف وحياة النعمة دي على عيني .. أنا باجيب حاجتي قطن أصلي من واحد في بلدنا ..شوفي الكلسون النضيف يتغسل ينضف ..السياسة تتغسل تتوسخ أكتر ..

:يخربيتك يا رجاء .. خليتي السياسة شوية كلاسين ..

رجاء :اهو كله بنلبسه ولا أنا غلطانه يا أبلة نوال ..ربنا يصلح حالكوا يارب ..بكرا حاجيب لكوا الباقي ..ربنا يسعدكوا يارب ويجبر خاطركوا زي ماجبرتوا خاطري ..فتكوا بعافية ..

*لمينا الهيصة كلها ..نضفنا مكاتبنا ..قعدنا نحضر الشاي بدأنا شغلنا بعد ما ما إطمنا على جودة البضاعة. أو بنحاول نصدق كدا ..

خلصت الشغلانة ..