كان ..

بقلم / نبيل هاني يوسف

(كان)
عارف يا *
نعم يا #
(كان) فيه اتنين اصحاب علاقتهم اكتر من الاخوات وصلابتها امتن من الزمان
(كان) في ما بينهم عشرة وتفاصيل وعبارات وحاجات محدش يفهمها غيرهم 
(كان) ما يفوتش ساعة الا وفيه تليفون يطمنوا علي بعض
(كان) الواحد فيهم سند للتاني وكتف يسند عليه لما يقع ودرع يحميه في عز الخطر 
(كان) الواحد فيهم النسمة الطيبة في عز الوجع
(كان) يقدروا يطلعوا الضحك من الوجع 
(كان) الواحد مستعد يضحي بحياته حرفيا علشان التاني
(كان) لو فيه مشكلة او ازمة لواحد التاني يتبنها كأنها بتاعته 
* يا سلام هي ديه الصداقة التي تعيش مدي الزمان 
# ليه انت ما اخدتش بالك ؟!
* من ايه ؟
# من (كان)