مايكل مكرم : اول مره من سنين”

مقالات مشابهة

حزن أقصرى كبير جدا لوفاة حبيب أبناء المدينة

7 مايو، 2022

إزاي أنساها

17 فبراير، 2020

مستنيكي ترجعيلي

21 نوفمبر، 2019

أول مره من سنين
قلبي يدوب من الحنين
اه يا قلبي يا مسكين
بقيت خلاص من العاشقين
معقولة يا قلبي وف يومين
ان القلب القاسي يلين
مالك يا قلبي جرالك ايه
بقيت ليل نهار ملهوف عليه 
فجأة كده علقني بيه
مابقيتش أفكر يوم غير فيه
مش قادر ابعد ولو ثواني 
طول الوقت قلبي معاه
بعد ماكنت عايش وحداني
فجأه حلالي الحياه
ايه اخرتها معاك يا قلبي
غرامها نار ومش قادر اخبي
عمري ماقدر استغني عنها
وطول الوقت عايزها جنبي
دي بتوحشني وانا وياها
وهي بعيد قلبي معاها
مستحيل يوم انساها
دانا بجمالها ياناس بتباهي
ربي في جمالها بيبدع
غزال وماشي بيتدلع
دي في الرقه صيتها مسمع
لما بشوفها قلبي يولع
وأول مره من سنين
قلبي يدوب من الحنين
اه يا قلبي يا مسكين
بقيت خلاص من العاشقين
مع حبي
(مايكل مكرم)