جريدة الأهرام الجديد الكندية 
مقالات مشابهة
بقلم . شحات عثمان
أسمع مني يا صاحبي كلام موزون
من شخص دارس فنون الكون
الراجل والذكر
علوم وأصول وفنون
الراجل وقت الشدة اسد
ووقت اللين يوقف سند
وعمره ما يغدر ولا يعرف يخون
ويحفظ سر وستر غيره من العيون
ويخبيهم يا صاحبي بين الجفون
مش كل ذكر رجل
ولا كل من قال رجل
تصدقه على طول
هأحكيلك
يا صاحبي حكايه
هيه بالفصحى
ما انا كلامي فنون
وفيه العظة للقارئين
وقف الصرصار خطيبا
فى سوق العاشقين
فقال أنا الذكر
وشاربي فاق القرين
وجئتكم بنبأ يقين
سأجعل أنثاي فوق العالمين
وبمعسول الكلام والسحر اللئيم
سلب العقول الصغيرة بإتقان الخبيثين
واضطرب قلب الصرصارة ذات الحسن المكين
وقالت هيئت لك يا ذا الشارب الطويل
وكان الزفاف بحضور الكثير من المدعوين
وفى حضور الشهود والأقربين
قام صاحب الدار برش المتطفلين
وأخذ الجميع يركضون ويهرولون
فقام ذا الشارب الطويل
بالفرار مثل المذعورين
وضغط على بطن ذات الحسن المكين
ففاضت روحها وذهبت للرحيم
وصاح أحد الشهود تباً لك يا لئيم
أهكذا شارب يحمي القرين!
فقال له نفسي نفسي وانتم مغفلين
وهنا انتهت الحكاية
وهأكمل كلامى
بالصلاة على النبي الكريم
مش كل واحد
يا صاحبي شاربة طويل
يبقي راجل وقت الأزمة سند
وليك هيكون معين
ولا كل من قال أنا راجل
تصدقه زى المغفلين
ما هو الرجوله مواقف وأفعال
ووقت الجد تلاقيه معاك نور ونار
وسيبك يا صاحبي
من شارب مغطى وجوه
ما هو السراب
فى الصحارى مية للعطشان
والبنت الجدعه بيتقال دى بمليون
راجل
مش بيتقال بمليون ذكر وافهم يا خال
خلص الكلام واصحى وقول عني الكلام
اوع يغرك فى يوم اشكال والوان
وخليك جدع بتاع أفعال
ملحوظة :
صوت الصراصير باللغة العربية الفصحى ( عرير )
