جريدة الأهرام الجديد الكندية 
مقالات مشابهة
بقلم / شحات عثمان ـ كاتب ومحامـ
يا عم يا اللى بتكتب التقارير من فضلك أكتب عني تقرير زين …..
تقرير فيه أني واد جدع بس حزين ….
عاشق بلدي وكل حته فيها لحدي ليوم الدين …..
واكتب كمان اني والله مخلص ليها من لحظة التكوين…..
شايلها فى حضني وفى نن عيني وفى شهيقي ساكنه من سنين ….
ومهما تغيرت فيها اشكال والوان هأفضل صاينها ما هيه عرضي ووعدي ووعد الحر دين …
بس امانه يا عم يا بتاع التقارير والأمانة ما تحملتها جبال زي ما قال الرحمن الرحيم …..
تكتب فى تقريرك انى ولد حلال نفسي أعيش بأمان وسلام ولقمة عيش بالحلال …..
حتى لو كان غموس اللقمة ملح برضة راضيين ومهما كانت الأسعار نار والناس عايشة حالة من التوهان …
والراجل ومراته وصلوا لحالة الخصام
ووقت الجد هتلاقي عيالك رجال صامدين ….
ما هو علشانها وعشانك لازم نقول تمام
وطاعة الربان فرض من فروض الإيمان
يا عم يا بتاع التقارير اكتبلى تقرير زين
عارف تقريرك بيوصل لأعلى مكان
ما هوه غالي علينا وتاج راسنا بتقرير فى صندوق من زمان ومش ناسيين ….
بس فى التقرير كمان قول ده فى الأول وفى الأخر أنسان يستحق التكريم ….
