جريدة الأهرام الجديد الكندية 
مقالات مشابهة
عايزين ايه عايزين ان الدم يسيل قولي يا كافر منك ليه عايزين ليه الدفه تميل فاكر لما تموت اخويا ان صلبنا هيبقي تقيل. لاراح اقولك ان معانا اللي ميعرفش المستحيل. قادر يعمل منك حاجه وقادر يشفي كل عليل قادر تاني يخلقلك قلب وقادر يعملك ضمير. طيب قولي يا ابو عضلات يالي بتتبع الشيطان خاطف قاتل دم في ايدك طيب قولي ازاي بتنام عارف ان فوقيك الحارس داري ان فوقيك ديان. ياللي بتقتل وانت ملثم فاكر انك من الشجعان. نفسي اعرفك علي نفسك نفسي أقولك أنت جبان. عارف انك اللي قتلته ابنه هيصبح من الايتام. ولا ابوه بيتخيل دبحه وبعلو صوته يقول دا حرام. وانا عيزاك تتخيل امه قاعده كتب عليه الزمن قلبي يعش حيران مش عارف يحزن للفراق ولا علشان مات شهيد قلبي يعيش فرحان. يعني ازغرت ولا ابكي بس هقولك واثقه في ربي انه هيدي لقلبي سلام. اه انا اسفه قاعده اقولك امه وابنه اصلي نسيت انك كافر مش انسان. عايزه اقولك كلمه اخيره عيزاك تعرف انك اعمي او انك عايش غفلان. عايزه اقولك ياابو عضلات اوعي تحجر قلبك تاني اصل الهي صابر متاني وبكره يقول مش هسكت تاني. اعمل وقفة كده مع نفسك فكر حبه عيزاك تفهم لو لثواني. عيزاك تفهم ربنا ساكت ليه ومتأني علشان هو جه علشانك مش علشاني. وانت كمان وانت كمان ليك كلمه اخيره اوعي تخاف وان خفت هتبقي الخسران. وان جالك ابليس بيحارب قوله انا اصلي غالي عليه وهو مليلي القلب سلام. والو جه وقلك بص كويس دول دبحوكم زي الخرفان. قوله يا اعمي بص انت كويس دول كانو اسود ابطال ايمان. ولو قلك سيبه وانا باديي انت تحلم وانا احقق الاحلام. قله يا جاهل مش هسيب ربي دا انا منقوش علي كفيه وهو ساكن في الكيان وقصدتي دي ملهاش نهايه علشان ابطلنا مش قمتهم الكلام
