جريدة الأهرام الجديد الكندية مقالات مشابهة
خواتى وحبايبى…أنا قلبى ضعيف …ونجمى خفيف…عاجز وصغير قدام الكلام اللطيف..دموعى بترقص من الكلام اللطيف .. اللى من جوه القلب طالع .. طالع بصدق وحنيّة.. طالع وهو صافي النية .. طالع بنغمة ترقص القلوب .. بس رقصت على قلب مكسور من الهموم .. نضحك نغنى ..لكن جوه مليان غيوم .. إيه اللى بإيدنا نعمله وماعملنهوش .. حتى الكلمة متحرمة علينا قدام الوشوش.. محدش بيشوف رقصات الدموع… وهى نازله من العين بترقص ..بس ياعينى رقصة على نغمة ناى حزين .. يقول للدمعة أرقصى فى العيون ..بس ماتنزليش …من فضلك ماتنزليش .. دانتى غالية قوى ..فى زمن قلتّ فيه الدموع .. ولو نزلت ..تعمل بحور من أسى الناس ..والناس عطشانه ..جعانه ..حيرانه ..تعبانه ..ومحيلتهاش إلا الدموع .. حتى لو غلطت يوم وفرحت … تلاقى فرحتها مليانة دموع .. يغنى الناى ويقول بلاش دموع ..لكن نغماته كلها أهات وأسى .. وألحانة متغمسة بالدموع…وبتطلع بأسي وانين .. وغصب عنها بتنزل الدموع ..
