جريدة الأهرام الجديد الكندية مقالات مشابهة
إن كنت نسيت ياوطن . احنا مش ناسين .
يوم النكسة في سبعة وستين
كنا كلنا معاك شايلين الطين
وفي يوم فرحتك باكتوبر
كنا معاك جاهزين
صدورنا قدام النار مش خايفبن
كلنا واقفين
مسيحين ومسلمين
ياوطن كنا كلنا فيك عايشين
كان ميزان عدلك لسه منصوب
لاكان فيه غالب ولامغلوب
الايد في الايد ماسكين
دلوقتي فيه خناجر وسكاكين
الدم بيسيل من ولادك المسيحين
لاحد بيتكلم ولا لقينا منصفين
من تاجر الذهب في الزيتون
لابونا سمعان ..
وصراخنا مش سامعين
حتي الشكوي الكل ليها صامتين
امال فين اهل العلم والدين
الدين يجمع مش يقتل يامتعلمين
الدين يجمع مش يفرق يامثقفين
قسس ومشايخ رايحين جايين
والايد في الايد والكل منافقين
بس الليل عمره ماحيطول
لازم يجي نهار يصحي الغفلانين
وفيه رب الكون بيسمع كل الانين
قدمناله شكوي ممضية بدم المقتولين .
دم بيصرخ ويقوللك يارب
تعال بسرعة وانصف كل المظلومين
