كرم فهيم يكتب :تايه فى بحر العالم وعن ربى بكون مشغول

تايه فى بحر العالم وعن ربى بكون مشغول
عجبانى شهوات الدنيا وعايشها عرض وطول
عارف طريق الهلاك فين
ورايحله مقفول العين
وارجع الومه واقول سايبنى
انا عايش لواحدى محدش حاببنى
واقفل على نفسي الف باب
وبعدها اتعب من شدة الاكتئاب
مع انه قالى فى الكتاب
انا معك لا اتركك انت لى
معقول بعد ده كله عايزنى
انا الخاطى الجاحد
ابو قلب جامد
قد ايه انت حنين وده يخلينى
اسمع صوتك لما تنادينى
وافتحلك قلبى لما تجينى
ارجوك سامحنى على اللى فات
واقبل منى دموع الصلوات
ووعد انى امشي معاك على طول
ولا عمرى اكون عنك مشغول