مايكل مكرم يكتب : جت تصالحني “

جت تصالحني وباست خدي
قولت لنفسي انا مين قدي
لما حبيبتى الحلوه الغاليه
تجيلي انا هنا لغاية عندي
قلبي طار م الفرحه ساعتها
ومن فرحتي قولت ياارض اتهدي
باستني بوسه علي جبيني
وقالت لي يا روحي انا اسفه
ده زعلك كان هايخليني
يا حبيبي ابات في المستشفي
ولسه هابتدي اعاتبها
قالتلي خلاص يا نور عيني
لقيت كلامي هايتعبها
قلتلها في حضنك خبيني
ساعتها نسيت ان انا زعلان
لما في حضني أخدتها
ورجعنا تاني زي زمان
ماهي نقطة ضعفي ……بحبها