(ردا على على اقتراح العمل بقانون حق المرأة غير المسلمة بختيار الشريك بغض النظر عن ديانته ..)
..طيب ياعسليات وبكل وضوح
.اولا مافي برنامج حريمي ناجح غير برامج الطبخ ..
ثاتيا ..حق ايه يا أبلة اللي بتتكلمي عنه لما إنت أصلا مش قادرة تقولي بشجاعة زواج المسلمة من مسيحي فتقولي «من غير السلم »خشية رد الفعل الغاضب وحافظا على الشعور العام ..
وإيه حالة الانبهار اللي على وجوه الستات دي من الاقتراح اللوزعي دا ..وكأن جالهم الفرج وحايشوفوا صنف تاني من الرجال ..مسيحي بقى وقشطة وحاتتفرج عليه وهو بيصلي وحايطلع مابيعضش ولا بيخوف ولا حاجة ..طلع مألوف..
ثالثا..قولو لي كدا على حق واحد اخدته الستات بعد مشوار نضال مرير وما طلع على فاشوش ..دا لو فيه مكسب واحد حققته الستات خسرناه بسبب الجهل والخرافات والفتاوي والخوف ..
وعلشان ترتاحوا م الآخر ..بعد كل البلاوي اللي عشناها السنوات دي تفتكروا ممكن غير المسلم..اللي هو مسيحي..كافر .. يسلم نفسه باسم الحب بالبساطة دي و من غير توقعات مخيفة ..
طيب حضرتك بتطالبي بحق الست تختار زوج مسيحي ..مين قالك انه حايوافق ..واذا كان المسيحي اصلا ضد الحجاب حايقولها اخلعي الحجاب ولا ايه بالظبط ….وازاي أصلا وهي عارفة واتربت إن المسيحي نجس ..
طيب والاولاد ..؟ وانتو عارفين شرعا وقانونا إن الاولاد على دين الأب..فهل دا مقبول في دولة سلفية الفكر والهوى ..و عن اي فئة من الستات بتتكلموا ..!اللي قاعدين على الطاولة في التليفزيون دول ..!
الستات يا أبلوات يامنبهرات مش انتو العشرات الانيقات السافرات المتحررات ..انزلو وشوفوا ستات مصر في القري والكفور والنجوع ..ما تشوفوا الستات المتكفنة في السواد في الشوارع اللي ماتقدر واحدة فيهم تخرج برا عتبة بيتها من غير إذن ..ولا تقدر حتى تختار تقول لاء على زوج مش عاوزاه ..اللي عندنا ستات متختنه من أول الجسد حتى العقل والحلم والحياة كلها ..
طيب اقول لكم ..اقترحوا افكاركوا العسلية دي على الستات نفسها ..وهم حايردوا عني وهل وصلنا من الحرية ورفاهية الفكر لنملك هذا المستوى العالي من التحضر..
ثانيا ياعسليات مافي زواج بين العقائد المختلفة الا ف حالة واحدة بس ..خطف قاصر واسلمتها جبرا يعني حتى مش مسلمة تتجوز مسيحي لا دي مسبحية قاصر والباقي انتو عارفينه .. طبعا انا قصدت اقول ان غير المسلم بالضرورة يكون مسيحي لانكوا مش ممكن تقصدوا يهودي حفيد القردة والخنزير مثلا .. ولا يمكن لفظة غير المسلم اخف على السمع من كلمة مسيحي ..بتعمل حالة زعر وحساسية..
*انا بقول خلينا في الطبخ احسن… ..ولو ضروري أوي يبقى ابحثوا في مشاكل الصرف الصحي ..والصحة والأهم حقوق المرأة اللي ضاعت كلها ..حقوق المطلقات والنفقة والميراث والسفرمن غير محرم..والتحرش،والاغتصاب والختان والمرأة المعيلة والمقهورة ة..وزواج القاصرات وعمل الأطفال والتسريب من التعليم و..و..
يا ابلوات دا احنا رجعنا لعصر الجواري وألعن ..لما الست تعرف تختار وترفض ..نبقى نشوف حكاية الجواز دي ..! تقعدوا بالعافية ..
جريدة الأهرام الجديد الكندية 
