جريدة الأهرام الجديد الكندية 
مقالات مشابهة
حضراتكم انا معلمة تاريخ وتربية وطنية اعدادى وثانوى، الناس بتقول ربوا أولادكم على التشجيع وحب الوطن إحنا بنربي أجيال إزاى مش هربى إبني. كل يوم بدخل فيه الفصل للطلاب لازم أكتب نبذه عن شهادئنا فى القوات المسلحة وبطولاتهم، وأهم الشخصيات الوطنية للحبيبة الغالية مصر حتى يشعر الطالب بالفخر لمصريته،
ولكنى اصدم بما يحدث مع إبنى وهو طفل لا حول له ولا قوة يحاكم عسكريا دون دنب إرتكبه انا مش قادرة اصدق أن بلدنا هان عليها حتى الاطفال يتبهدلو كده.
أنا جيت الدنيا يتيمة مشفتش والدى الله يرحمه وماما كمان ماتت قريب مليش فى الدنيا دى غير إبنى أسلام الكبير 15سنه واخوة13سنه وطبعا ربنا سبحانه وتعالى،
أنا مش قادرة أعيش من غير إسلام هو فرحتى لما شوفته نسيت إني يتيمة. حضرتك الدراسة علي الأبواب إزاى هقف فى الطابور الصباح وإبنى مش واقف معايا.
إزاى هاحيى العلم وإبنى محبوس ظلم بطلب الرحمه من ربنا سبحانه الأول، وبطلبها من بلدى والمسؤلين فى هذا البلد أرحموا أطفال مصر يا مسؤلى مصر. إسلام إبنى رايح إن شاء الله الصف الثاني الثانوى العام وكان نفسه يدخل فنيه عسكرية ويصبح مهندس فى الجيش فهل سيخرج ابنى ويحقق ما يتمناه.
أم سيظل الظلم الواقع على إبنى ويحرم من تحقيق حلمه فى خدمة وطنه وجيش وطنه فهل من مجيب من المسؤلين؟؟
والدة إسلام أرسلت بعض من شهادات التقدير والتفوق التي حصل عليها إسلام ليعرف الكل أن ال ٢٣٦ المحبوسين من جمهور الزمالك هم أبرياء وبينهم ٥٠ طفل مثل إسلام كلهم متفوقين وإسلام مثالا لواحد منهم.
