جريدة الأهرام الجديد الكندية 
مقالات مشابهة
مشوفتش حاجه حلوه وحاسس انى مش هشوف
لكن هتحمل واغيرك واعمل فيكى يا مصر معروف
انا ابنك عايش غريب فيكى ومضروب بالكفوف
كل يوم اتذل حتى انك بتحرمينى من المصروف
كل حياتى فيكى بقيت جبن ومهانه وكمان خوف
لكن وعد ربنا ليكى انك هتبقى اول الصفوف
وهتبقى امه عظيمه زى ما حويتى زمان آلوف
وهرفع اسمك لفوق يا بلدى وانا مش مكسوف
وان كان فيكى ضلمه هخلى النور يبقى مكشوف
هتحمل صعوباتك حتى لو كنت بالطوب محدوف
بخرج من صمتى من تعبى مع الغريب والمألوف
مصرى وافتخر سواء كنت انا مفتح او مكفوف
هتمسك بيكى وهحميكى يا بلدى مهما منك اشوف
قصيدة مع المسيح ذاك افضل جدا
بنحزن وندمع لما الحبايب بتغيب عنا وبتموت
وبيصعب علينا فراقهم ونزعل وبنصرخ بالصوت
وبندعى ليهم بالرحمه والمغفره وسكن الملكوت
لازم نعمل حساب موتنا قبل الفرصه ما تفوت
قبل ما تيجى الدينونه والقلب بالخطيه مكبوت
ونرجع ونتوب ونصلى ونصوم ونعيش ف سكوت
مش عايزين يجى اليوم علينا ونبقى جوه الحوت
يارب اقبل نفوس اولادك وفك كمان اسر المربوط
واسمع صوتنا لما نصلى سواء كان عالى او مخفوت
لان مفيش غيرك يرسم لحياتنا ادق الخطوط
قصيدة كنيستى
من يوم ماوعيت عالدنيا وانتى جوايا
حكولى عنك يا كنيستى اجمل حكايه
انك امى مش مجرد بس صوره وآيه
انتى جسد المسيح وحاميكى للنهايه
انتى ملجأ وللمطرودين بتكونى حمايه
مش مجرد حيطان انتى حضن للرعايه
للحزانى انتى بسمه و اجمل ضحكايه
بتنورى طريقى لانك نجمه فى سمايا
مش هتنحنى ابدا لأى سلطه ووصايه
معاكى رب الجنود وده وحده كفايه
قصيدة فهوذا منذ الان جميع الاجيال تطوبنى
جميع الاجيال بتطوبك يا اعظم النساء
طوباكى يا من حملتى اللاهوت فى الاحشاء
مش عارف اقول عليكى غير انك يا امى حياه
اشفعى فينا عند ابنك يمنحنا الغفران والشفاء
بننده عليكى يا امنا بتسمعينا صباح ومساء
وقت الضيقه بنلجأ ليكى وبتمنحينا الرجاء
لما الدنيا بتغرقنا فى الظروف بنلاقيكى نجاه
ام حنونه معينه حيرت فى صفاتها العلماء
اختارك الرب وروحه حل عليكى وانتى عذراء
بنت هاديه وديعه استحقت تبقى ام الاله
من مثلك يا امى وقت الشده بتزيلى همى
قصيدة الرب ………لى راعى
مشيوا الناس من حواليا
اصدقائى وحبايبى واعز ماليا
مين هيسأل ويطمن بس عليا
مين بجد هيبقى قد المسؤليه
مين هيبقى صديق حقيقى فى عينيا
كنت ناسى يارب حضنك المفتوح ليا
كمان نسيت كلماتك واياتك المعزيه
ده انت ابويا وحبيبى صديقى وراعيا
وان يوم سبتك يارب امسك انت فيا
لا تتكل على ايد بشريه اتكل على ايد ربنا القويه
قصيدة انا هفرح وهفرح مهما يحصل
ليه تعول الهم وانت عندك إله قدير
ليه تزعل وتكشر افرح ده كله اكيد للخير
ده المستقبل فى ايده حتى لو كان خطير
افرح بالرب وكفايه بقى تفكير
ده بيدبر لحياتك افضل تدبير
ده ماسك ايدك وشايل الهم الكبير
بيزيل الهم والوجع والتعيير
بيبنى نفسك إلهك بيحب التعمير
بس انت سيبه يملك حياتك وهتشوف التغيير
مهما قابلت فى حياتى حزن وخوف لايد ربنا فى حياتى ههشوف
هفرح بالهى
قصيدة انا مش هموت إلهى حياه
بتموت نفسك جوه شوية ضغوطات
بتبعد اكتر عن ربنا وتزود المسافات
بتنسى انه يقدر يصنع المعجزات
ينور حياتك بعد عيشتك فى الظلمات
انت ميت يوم ما بتنسى الاحسانات
يوم ما تيجى تقول اشمعنا انا بالذات
مش لاقى حظى وتعبان وكلى آهات
وجعى ذاد يارب مش لاقى تعزيات
بصرخ ليك لانى مش لاقى كلمات
كفايه تعيش اليأس إلهنا إله تعويضات
قوم من موتك وارجع من بعد السقطات
ربك بيغفر وبيسندك فى اى ضيقات
وهيرجع لقلبك الحياه بعد الممات
سلمت يارب حياتى فى ايديك لانك شايلنى جوه عينيك
قصيده الملك
مش بس سلطه وخدام
ولا جنود وراء وجنود قدام
الملك يعنى قدوه واحترام
حب وخير ورحمه وسلام
مبيعرفش يقدم غير الاهتمام
افعال بتتنفذ مش بس كلام
غفران وتسامح مش انتقام
كلمته حياه لغيره مش اعدام
ديما يبنى نفوس مش هدام
وجوده حقيقه مش اوهام
الملك ده انا وانت الملك مش بالتاج والصولجان ولا اللبس والسلطان
خليك ملك
قصيدة بعد الموت مفيش فرصه
روحت بنيت بفلوسى عماره
ركبت احلى سيراميك وستاره
وجمعت دهبى جوه شكاره
وكنت بحوش املاكى بالقطاره
بس جه اللى خلانى محتاره
معملتش حساب زلط ولا حجاره
ولا حتى حساب مريم ولا ساره
اليوم ده كان يوم موتى يا خساره
طلع الكل باطل وانتهت العباره
مفيش فرصه لمزمور ولا قيثاره
ولا حتى فرصه لعربيه وطياره
ولا اعطف على فقير فى حاره
خلاص كله انتهى بعذاب ومراره
مهما عملت يا انسان وجمعت فلوس بكره هتبقى تراب والناس عليك تدوس
قصيدة أبى…………..
الحب المتجسد ونبع الحنان
لايوجد لحبه توقيت للزمان
فهو السند فى صورة انسان
ف معه اشعر دائما بالامان
ليس هو مال ولا سلطان
وهو ليس عطيه ولا حرمان
فالاب يبذل كل ما فى الامكان
ليرى ابنه فى ابهى مكان
فالابوه احساس وليس احضان
الابوه ليست بالرسم والالوان
بل الابوه للرحمه والحب عنوان
كن اب للجميع فى تصرفاتك ليبارك رب الكل حياتك
