جريدة الأهرام الجديد الكندية 
مقالات مشابهة
الكل هيكون فرحان
ويدعي بالرحمه ليا
بس حسب قلب الانسان
ف كل واحد ليه نيه
اللي هيدعي بطيبه قلب
و اللي هيدعي كمان عليا
لما اموت
في ناس هتنساني
ومع الايام هتبقي ذكره
وتنسي حتي الثواني
اللي هتكون زي فكره
وتمسح و تتلاشه كلامي
وتخليه لما يجي بكره
لما اموت
اصحابي تشكر فيا
و الماضي بنيهم يندفن
ويروح كمان زييا
ويبقي زي العفن
مش هيبقي ليه لازمه
هيبقي مسيره جوه الكفن
لما اموت
صوتي هيكون معايا
وصورتي هتبقي ف برواز
والكل هيبقي ورايا
وانا جوه صندوق ازاز
هيخافوا مني اصحابي
وكل الناس اللي هما عزاز
لما اموت
تاريخي مالوش انجازات
مليان بس بالخداع
حتي كل الكتابات
هتكون ف الضياع
وكل الناس هتنسي
وتقول عليا وداع
لما اموت ده حكايات
مش لازم تكون طريق
خليتها تكون ذكريات
مع احلي واعز صديق
يقود معايا المستحيل
حتي لو هنكون ف ضيق
بس لازم احسب سنيني
وابقي مستعد بالسكوت
اصل انا عارف دموع عيني
هتنزل علي قصيدة لما اموت
كلمات ابرام كمال
