جريدة الأهرام الجديد الكندية 
مقالات مشابهة
بقلم شحات عثمان كاتب ومحام
حبيبي يا ناس
نازل يبيع
وانا بعده
بكام شهر برضه هبيع
وهنفتح المزاد
يلا قرب قرب
وهنختمها بثلاث كلمات
الاونا
الادو
الا تريه
مين ناوي يشتري
غربه سنين
مين ناوي يشتري
غربه عيال
مين ناوي يشتري
ضرائب سفر
وتصاريح سفر
مين ناوي يشتري
فرصه ضاعت من زمان
الأونا
الأدو
الأ ترى
قرب واتفرج
شعر شاب طيب
من يشترى ؟
صحة راحت
من يشتري ؟
قرب قرب قرب
هنبيع
سهر الليالى
وهنبيع معاهم
السنين الخوالى
هنبيع كمان احلام
وعليهم
عشرين شنطة
سفر هدية للأجيال
هنبيع
وهتحصل فرصتك
وهتبقي انت الكسبان
قرب
قرب
قرب
ولا اقلك
الاونا
الا دو
الا تري
خلص المزاد
والشاري حسابه للرحمن
وخلص الكلام
وحسيبنا رب ما يغفل و لا ينام
