كرم فهيم يكتب : علمونا فى الكنايس

مقالات مشابهة

كرم فهيم يكتب : (حوار حب)

15 أكتوبر، 2017

كرم فهيم يكتب : تايه فى بحر العالم

15 أكتوبر، 2017

كرم فهيم يكتب :

15 أكتوبر، 2017

علمونا فى الكنايس أحب لكل الناس الخير+ وأحب الغنى زى الفقير+ وأحب الرئيس والوزير+ بالظبط زى السايس+ علمونا فى الكنايس+++

أساعد كل المحتاجين+ وأصلى عنهم فى كل حين+ ولا أبص لجنسية ولا للدين+ وأكون بالكل حاسس+ علمونا فى الكنايس+++

ان مافيش ده سكت وده قال+ ده حط وده شال+ ده وحش وده عند ربنا عال+ وماكنش ع الناس قاضى وحابس+ علمونا فى الكنايس+++

أحب الناس زى ماهى+ وأحب كنيستى اللى فيها فادية+ وأهتم بحياتى الابدية+ وأكون للنعمة لامس+ علمونا فى الكنايس+++

أحب كل الوظايف وأحترمها+ وأحب كل الناس ومن قلبى أكرمها+ وأوصلهم رسالة يسوع وبكل حب اعلمها+ وأكون على ابليس دايس+ علمونا فى الكنايس+++

أبعد عن الخصام+ ده زعل أخويا منى حرام+ وأكلم الناس بكل أحترام+ عشان أكون فى قلوبهم جالس+ علمونا فى الكنايس+++

أفكر ديمأ فى الموت+ وأسعى للملكوت+ وأحترم الكهنوت+ وأكون على أيديهم بايس+ علمونا فى الگنايس+++

أمارس كل الاسرار+ وأجاهد ليل نهار+ عشان أوصل لعرش البار+ ولتوب الجميل أكون لابس+ علمونا فى الكنايس+++