جريدة الأهرام الجديد الكندية 
مقالات مشابهة
نشرت عدد من صفحات الجالية المصرية بالسعودية استغاثة مصرى من ظلم كفيله الذى استطاع سجنه وسط تجاهل وصمت رهيب من قبل السفارة المصرية بالسعودية
واليكم نص الرسالة كما نشرها المصرى خالد جمال سعيد
السلام عليكم
انا اخوكم خالد جمال سعيد موجود بالسعوديه الدمام
وحياتي بتضيع اقسم بالله بسبب كفيلي
حصلت مشاكل مع كفيلي بسبب رواتب ومستحقات وبيتهمني بالاختلاس وكان بيجبرني اني اوقع علي اقرار بالاختلاس فروحت مكتب العمل وعملت ضده شكوي بعدها ب ٤ ايام عمل فيا بلاغ هروب فروحت مكتب العمل تاني اثبت كيدية بلاغ الهروب لكن الكفيل قدم فيا بلاغ خيانة أمانه في الشرطه ومكتب العمل قالي ماتجيش هنا تاني الا لما تخلص ماعليك في الشرطة قولتلهم اني حالتي زفت والدنيا مش حلوه معايا قالولي روح لسفارتك ياحبيبي ده مش شغلنا
للعلم الكفيل مسنود في كل مكان في الشرطة ومكتب العمل وفي كل مكان
صاحب شركة المزيد للنقليات وعمل الشركه كلها مع الشرطه والمرور
وتم التواصل مع الاخوة المنوطين من قبل السفارة للوقوف بجانب المصريين في مثل هذه الظروف ولكن ولا حياة لمن ينادي
ساعدوني بالله عليكم
انا بجد تعبت ومش عارف اعمل ايه ولو روحت راجعت الشرطة متأكد اني مش هطلع منها تاني
وانا كل الي بتمناه اني ارجع مصر
انا كل الحلول الي عندي عملتها
وعرفت ببلاغ الشرطة ورحت سلمت نفسي بشرطة غرب الدمام وانا الآن محبوس
بجد مش عارف الجأ لمين بعد ربنا سبحانه وتعالى
ايها المصريون …اغيثوني اغيثوني بالله عليكم
اي حد يوصل صوتي لاي جهه في مصر
ده رقمي ٠٠٩٦٦٥٧٢٤٩٠١٠٥
