جريدة الأهرام الجديد الكندية 
مقالات مشابهة
كلمات
إبن النيل
كل الأطباء قالوا خلاص
أصبح في المرحلة الأخيرة
مهما طال بيه العمر
يمكن النهارده تكون اخر ليلة
وفي لحظة لقيت ناس بتتجمع
ناس قلوبها بصدق بدمع
وناس في قلوبها نار الفراق تولع
والمكان امتلئ في اقل من دقيقة
ناس ايديها لسما مرفوعة
وناس بدموع عيونها مغمورة
وناس بتدعي وناس بتبكي
وناس من الحزن مجروحة
ناس تقول ده لسه صغير
وناس تقول ازاي ده شيء يحير
بس مين يا بشر للقدر يقدر يغير
دخل الطبيب وقال افصلوا الأجهزة
حبيبكم علي وشك الانتهاء
رغم أن الناس كتير
اللي جي من الشمال
واللي جي من اليمين
في لحظة سمعت صوت السكات
واتجمعت الممرضات
اللي تقول حبيبكم حي
واللي تقول حبيبكم مات
والام اتحول ألمها صريخ
وتجري تقول قولولي الحقيقة
قولولي مين فيكم صريح
طمأنوا يا خلق قلبي
والله قلبي اصبح جريح
خذوا يا ناس كل عمري
بس دخلوني اشوف ابني
يمكن يفوق علي نبض قلبي
مأهو واخد النفس مني
يمكن لما يحس بيا يفتح عيونه
يمكن يرجع ويقول امي
طيب دخلوني امسح خدوده
طيب خلاص قلولوه امك بره
خلاص رجليها مش شايلة
يمكن يطلع ويسندني بكفوفه
طيب قلولوه اي حاجه
او قولولي اي حاجه بلاش سكات
قولولي اي كلمة بس بلاش تقوله
ابنك حبيبك راح خلاص
انتهى بيه الأمر ومات
#رزق_عبدالله
