عشمان فيكي يا بلدي
ان نرجـــع زي زمــــان
واشيل حمل علي قدي
واشكر ربنا واعرف انام
عشمان اطلع بيكي السماء
ومقعش و يتكسر طموحي
مع ان فيكي اصل الهنا
بس بطلعي يا بلادي روحي
بقيت بخاف دلوقت انك
ما تمسحيش بايديكي دموعي
بقيت خلاص بخاف منك
عشان بتكسري دايما ضلوعي
مابقتش عارف اروح لمين
و اشكي واقوله علي حال بلدي
ما اصل خلاص احنا المظلومين
في العيشه بقيت الغريب ف ارضي
صعبان عليا يا بلادي
وانتي عارف مانيش مبسوط
ببكي دلوقت وقصادك عادي
و مستنياني لحد ما اموت
خايف ابقي مكسور
زي ابو الهول زمان
ويحط قصادي 100 سور
وابات كل يوم تعبان
نفسي نرجع يا بلدي
نحبك زي زمان
نفسي ف حمل علي قدي
ابات بيه ومنك فرحان
كلمات ابرام كمال
![](https://www.ahram-canada.com/wp-content/uploads/2017/06/4-4.jpg)
ابرام كمال